ಉಡುಪಿ: ಕೋಟದಲ್ಲಿ ಇಬ್ಬರ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿ ಇನ್ನೂ ಐದು ಮಂದಿಯನ್ನು ಪೊಲೀಸರು ಸೋಮವಾರ ರಾತ್ರಿ ಬಂಧಿಸಿ‌ ನ್ಯಾಯಾಧೀಶರ ಮುಂದೆ ಹಾಜರುಪಡಿಸಿದ್ದಾರೆ. ಇಬ್ಬರು ಪೊಲೀಸರ‌ ಸಹಿತ ಎಂಟು ಮಂದಿಯನ್ನು ಪೊಲೀಸರ‌ ವಿಶೇಷ ತಂಡ ಬಂಧಿಸಿದ್ದು ಬಂಧಿತರ ಸಂಖ್ಯೆ 13ಕ್ಕೆ‌ ಏರಿದೆ.

ಕೊಲೆಯಲ್ಲಿ ಭಾಗಿಯಾದ ಅಭಿಷೇಕ್(23), ಆರೋಪಿಗಳಿಗೆ ನೆರವಾದ ಸಂತೋಷ್‌ ಕುಂದರ್(26), ನಾಗರಾಜ್(44), ಪ್ರಣವ್ ರಾವ್(20), ಹಾಗೂ‌ ಶಂಕರ‌ ಮೊಗವೀರ(41) ಬಂಧಿತರಾಗಿದ್ದು ಫೆ.15ರ ತನಕ ನ್ಯಾಯಾಂಗ‌ ಬಂಧನ ವಿಧಿಸಲಾಗಿದೆ. ಕೋಟದ ಮಣೂರಿನಲ್ಲಿ ಜ. 26ರಂದು ಭರತ್ ಕುಮಾರ್ ಮತ್ತು ಯತೀಶ್ ಕೊಲೆ ನಡೆದಿದ್ದು ಜಿ. ಪಂ. ಸದಸ್ಯ ರಾಘವೇಂದ್ರ ಕಾಂಚನ್ ಕೂಡ‌ ಬಂಧಿತ ಆರೋಪಿಗಳಲ್ಲಿ ಒಬ್ಬರಾಗಿದ್ದಾರೆ.

ಆರೋಪಿಗಳ‌ ವಿವರ
ಅಭಿಷೇಕ್‌ ಉಡುಪಿ‌ ಸಮೀಪದ‌ ಪುತ್ತೂರು‌ ಗ್ರಾಮದ ನಿವಾಸಿಯಾಗಿದ್ದು ಕೊಲೆ‌‌ ಪ್ರಕರಣದಲ್ಲಿ ನೇರ ಭಾಗಿಯಾದ ಆರೋಪ‌ ಹೊತ್ತಿದ್ದಾನೆ. ಪೈಂಟಿಂಗ್ ಹಾಗೂ ಬಡ್ಡಿ ವ್ಯವಹಾರದಲ್ಲಿ‌ ತೊಡಗಿದ್ದಾನೆ. ಇನ್ನು, ಆರೋಪಿಗಳಿಗೆ‌ ನೆರವಾದ ಸಂತೋಷ್ ಕುಂದರ್ ಬಾರಕೂರು ಹನೆಹಳ್ಳಿಯ ಉದ್ದಾಲ್ ಗುಡ್ಡೆಯವನಾಗಿದ್ದು ಚಾಲಕ‌ ವೃತ್ತಿಯಲ್ಲಿ ತೊಡಗಿದ್ದಾನೆ.‌ ಆರೋಪಿಗಳಿಗೆ ತಪ್ಪಿಸಿಕೊಳ್ಳಲು ಈತ ನೆರವಾಗಿದ್ದಾನೆ. ಜತೆಗೆ, ನಾಗರಾಜ ಯಾನೆ ರೊಟ್ಟಿ ನಾಗರಾಜ್ ವಾರಂಬಳ್ಳಿ ಗ್ರಾಮದ ದೂಪದಕಟ್ಟೆ ನಿವಾಸಿ. ಪೇತ್ರಿಯಲ್ಲಿ ರೊಟ್ಟಿ ಫ್ಯಾಕ್ಟರಿ ‌ನಡೆಸುತ್ತಿದ್ದು ಆರೋಪಿಗಳಿಗೆ ಆಶ್ರಯ‌ ನೀಡಿದ‌ ಆರೋಪ ಹೊತ್ತಿದ್ದಾನೆ.

ಅಲ್ಲದೆ, ಪ್ರಣವ್ ರಾವ್ ಶಿವಮೊಗ್ಗದ ಭದ್ರಾವತಿ ಮೂಲದವನಾಗಿದ್ದು ಪೆಜಮಂಗೂರಿನ ಬೆನಗಲ್ ನಿಂದ ಕಾಲೇಜಿಗೆ‌ ತೆರಳಿ ಅಂತಿಮ‌ ಬಿ.ಕಾಂ ಓದುತ್ತಿದ್ದಾನೆ.‌ ಆರೋಪಿಗಳಿಗೆ ಹಣ, ಮೊಬೈಲ್ ನೀಡಿದ ಆರೋಪ ಈತನ ಮೇಲಿದೆ. ಇನ್ನೊಂದೆಡೆ ಶಂಕರ ಮೊಗವೀರ ಅಂಜಾರು ಗ್ರಾಮದ ನಿವಾಸಿಯಾಗಿದ್ದು ಕುಂದಾಪುರದ ಶಂಕರನಾರಾಯಣ ಗ್ರಾಮದಲ್ಲಿ‌ ಅಟೋರಿಕ್ಷಾ ಓಡಿಸುವ ಈತ‌ ಆರೋಪಿಗಳಿಗೆ ಆಶ್ರಯ ನೀಡಿದ‌ ಆರೋಪ‌ ಎದುರಿಸುತ್ತಿದ್ದಾನೆ.

ಜಿಲ್ಲೆಯ ಕೋಟದಲ್ಲಿ 17 ದಿನಗಳ ಹಿಂದೆ ನಡೆದ ಗೆಳೆಯರಿಬ್ಬರ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿ ಪೊಲೀಸ್‌ ಖೆಡ್ಡಾಕ್ಕೆ ಇಬ್ಬರು ಪೊಲೀಸರು ಬಿದ್ದಿದ್ದಾರೆ.

2008ರಲ್ಲಿ ಜಿಲ್ಲಾ ಸಶಸ್ತ್ರ ಮೀಸಲು ಪಡೆ(ಡಿಎಆರ್‌) ಸೇರಿದ್ದ ಕಾನ್‌ಸ್ಟೇಬಲ್‌ಗಳಾದ ಪವನ್‌ ಅಮೀನ್‌ ಮತ್ತು ವೀರೇಂದ್ರ ಆಚಾರ್ಯನನ್ನು ಭಾನುವಾರ ರಾತ್ರಿ ಪೊಲೀಸರು ಬಂಧಿಸಿದ್ದರು.

Summary
ಉಡುಪಿ : ಅವಳಿ ಕೊಲೆ ಪ್ರಕರಣ: ಬಂಧಿತರ ಸಂಖ್ಯೆ 13ಕ್ಕೆ ಏರಿಕೆ !
Article Name
ಉಡುಪಿ : ಅವಳಿ ಕೊಲೆ ಪ್ರಕರಣ: ಬಂಧಿತರ ಸಂಖ್ಯೆ 13ಕ್ಕೆ ಏರಿಕೆ !
Description
ಜಿಲ್ಲೆಯ ಕೋಟದಲ್ಲಿ 17 ದಿನಗಳ ಹಿಂದೆ ನಡೆದ ಗೆಳೆಯರಿಬ್ಬರ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿ ಪೊಲೀಸ್‌ ಖೆಡ್ಡಾಕ್ಕೆ ಇಬ್ಬರು ಪೊಲೀಸರು ಬಿದ್ದಿದ್ದಾರೆ. 

LEAVE A REPLY

Please enter your comment!
Please enter your name here