ಕಾಸರಗೋಡು: ಜಿಲ್ಲೆಯಲ್ಲಿ ಜಲಸಮೃದ್ಧಗೊಳಿಸುವತ್ತ ಶೀಘ್ರವೇ ಯೋಜನೆ ರೂಪಿಸಲಾಗುತ್ತದೆ ಎಂದು ಜಿಲ್ಲಾಧಿಕಾರಿ ಡಾ. ಡಿ. ಸಜಿತ್‌ ಬಾಬು ಹೇಳಿದರು. 

ಮಣ್ಣು ಸಂರಕ್ಷ ಣಾ ಇಲಾಖೆ ಹಾಗೂ ಕೃಷಿಕ ಅಭಿವೃದ್ಧಿ ಕೃಷಿ ಇಲಾಖೆ ನೇತೃತ್ವದಲ್ಲಿ ನಡೆದ ವಿಶ್ವ ಮಣ್ಣು ದಿನಾಚರಣೆ ಅಂಗವಾಗಿ ಮಡಿಕೈ ಗ್ರಾ.ಪಂ.ಕಚೇರಿ ಪರಿಸರದಲ್ಲಿ ಆಯೋಜಿಸಿದ್ದ ಸಮಾರಂಭ ಉದ್ಘಾಟಿಸಿ ಅವರು ಮಾತನಾಡಿದರು. 

ಮಣ್ಣು, ನೀರು ಸಂರಕ್ಷಿಸಬೇಕಾದ ಅಗತ್ಯ ಇಂದು ಹೆಚ್ಚಾಗಿದೆ. ಕೇರಳದಲ್ಲಿ ಅತ್ಯಧಿಕ ನದಿಗಳು ಹರಿಯುವ ಜಿಲ್ಲೆಯಾದರೂ ಬೇಸಿಗೆಯಲ್ಲಿ ಹಲವು ಪ್ರದೇಶಗಳು ನೀರಿಲ್ಲದೇ ನರಳುವ ಸ್ಥಿತಿ ಉಂಟಾಗುತ್ತಿದೆ. ಆದ್ದರಿಂದ, ಜಿಲ್ಲೆಯಲ್ಲಿ ಜಲಸಮೃದ್ಧಿಗೊಳಿಸುವ ಯೋಜನೆಯನ್ನು ಶೀಘ್ರ ರೂಪಿಸಲಾಗುತ್ತದೆ ಎಂದರು. 

ಹಸಿರುಕೇರಳ ಮಿಷನ್‌ ಸಹಕಾರದೊಂದಿಗೆ ಪ್ರತಿ ಪಂಚಾಯಿತಿನಲ್ಲಿ ಜಲಸಂಪನ್ಮೂಲ ಯೋಜನೆಗೆ ಚಾಲನೆ ನೀಡಲಾಗಿದೆ. ಮೊದಲ ಹಂತವಾಗಿ ಚೆಂಗಳ ಗ್ರಾ.ಪಂ. ವ್ಯಾಪ್ತಿಯಲ್ಲಿ ಆರಂಭಿಸಿದೆ. ಪ್ರವಾಹದಿಂದ ರಾಶಿ ಬಿದ್ದ ಮಣ್ಣು ಸಂಗ್ರಹಿಸಿ ಸರಕಾರಿ ಮಟ್ಟದಲ್ಲಿ ನಾನಾ ಪುನರುದ್ಧರಣಾ ಪ್ರಕ್ರಿಯೆಗಳಿಗೆ ಹಾಗೂ ಲೈಫ್‌ ಯೋಜನೆಗಳಿಗೂ ಉಪಯೋಗಿಸಲಾಗುವುದು. ಇದರ ಬಳಿಕವಷ್ಟೇ ಖಾಸಗಿ ವ್ಯಕ್ತಿಗಳಿಗೆ ಮಣ್ಣು ಹಸ್ತಾಂತರಿಸಬಹುದು ಎಂದರು. 

ಮಂಜೇಶ್ವರ, ಕಾರಡ್ಕ, ಕಾಸರಗೋಡು ಬ್ಲಾಕ್‌ಗಳಲ್ಲಿ 15 ಸಾವಿರ ಹೆಕ್ಟೆರ್‌ ಜಮೀನಿನಲ್ಲಿ ಕೆಂಗಲ್ಲು ಕಾರಣ ಕೃಷಿ ಮಾಡುವುದು ಅಸಾಧ್ಯ. ಆದರೆ, ಬಿದಿರು ಕೃಷಿಗೆ ಯೋಗ್ಯವೆಂದು ಗುರುತಿಸಿ ಕಳೆದ ಜೂ.5ರಂದು 3 ಲಕ್ಷ ಬಿದಿರು ಗಿಡಗಳನ್ನು ನೆಟ್ಟು ಬಿದಿರು ಕೃಷಿಗೆ ಚಾಲನೆ ನೀಡಲಾಗಿದೆ. ಜಿಲ್ಲೆಯನ್ನು ಬಿದಿರಿನ ಕೇಂದ್ರವನ್ನಾಗಿಸುವ ಯೋಜನೆ ಜಾರಿಗೊಳಿಸಲು ತೀರ್ಮಾನಿಸಿದೆ ಎಂದರು. 

ಮಡಿಕೈ ಗ್ರಾ.ಪಂ.ಅಧ್ಯಕ್ಷ ಸಿ. ಪ್ರಭಾಕರನ್‌ ಅಧ್ಯಕ್ಷ ತೆ ವಹಿಸಿದ್ದರು. ಮಣ್ಣಿನ ಆರೋಗ್ಯ ಪರಿಪಾಲನೆ, ಮಣ್ಣು-ಜಲ ಸಂರಕ್ಷ ಣೆ ಇತ್ಯಾದಿ ವಿಷಯಗಳಲ್ಲಿ ಕೃಷಿ ಸಹಾಯಕ ನಿರ್ದೇಶಕಿ ಆರ್‌. ವೀಣಾರಾಣಿ, ಕೃಷಿ ವಿ.ವಿ. ಪ್ರಾಧ್ಯಾಪಕಿ ಕೆ. ಪಿ. ಮಿನಿ ತಮ್ಮ ವಿಚಾರಗಳನ್ನು ಮಂಡಿಸಿದರು. ಕೃಷಿಕರಿಗಿರುವ ಮಣ್ಣು ಆರೋಗ್ಯ ಕಾರ್ಡ್‌ಗಳನ್ನು ಜಿಲ್ಲಾಧಿಕಾರಿ ಡಾ. ಡಿ. ಸಜಿತ್‌ ಬಾಬು ವಿತರಿಸಿದರು. ಮಡಿಕೈ ಗ್ರಾ.ಪಂ.ಅಧೀನದ ಅತ್ಯುತ್ತಮ ಕೃಷಿಕರಾಗಿ ಆಯ್ಕೆಯಾದ ನಾರಾಯಣನ್‌ ನಂಬೂದಿರಿ, ರಾಘವನ್‌ ವೆಳಿಚ್ಚಪ್ಪಾಡು, ಸಿ. ನಾರಾಯಣನ್‌, ಕೆ. ವಿ. ಶಾಂತ, ಟಿ. ವಿ. ಜನಾರ್ದನನ್‌, ಎ. ನಾರಾಯಣನ್‌ ಅವರನ್ನು ಹಾಗೂ ಜಿಲ್ಲೆಯ ಅತ್ಯುತ್ತಮ ಕೃಷಿಕರಾಗಿ ಆಯ್ಕೆಯಾದ ಸಿ. ಬಾಲಕೃಷ್ಣನ್‌ ನಾಐರ್‌ ಅವರನ್ನು ಜಿ.ಪಂ.ಸದಸ್ಯ ಎಂ. ಕೇಳುಪಣಿಕ್ಕಾರ್‌ ಗೌರವಿಸಿದರು. ಮಣ್ಣು ಸಂರಕ್ಷ ದಿನದ ಅಂಗವಾಗಿ ಮಕ್ಕಳಲ್ಲಿ ತಿಳಿವಳಿಕೆ ಮೂಡಿಸಲು ನಡೆದ ಚಿತ್ರರಚನೆ ಸ್ಪರ್ಧೆಯಲ್ಲಿ ಪ್ರಥಮ, ದ್ವಿತೀಯ ಸ್ಥಾನ ಪಡೆದವರಿಗೆ ನಂಬೀಶನ್‌ ವಿಜಯೇಶ್ವರಿ ಬಹುಮಾನ ವಿತರಿಸಿದರು. ಮಣ್ಣು ಸಂರಕ್ಷ ಣೆ ಕುರಿತು ವಿಷಯ ಮಂಡನೆ ಹಾಗೂ ಪ್ರತಿಜ್ಞೆಯನ್ನು ಜಿಲ್ಲಾ ಮಣ್ಣು ಸಂರಕ್ಷ ಣಾಧಿಕಾರಿ ವಿ. ಎಂ. ಅಶೋಕ್‌ ಕುಮಾರ್‌ ನೆರವೇರಿಸಿದರು. ಮಡಿಕೈ ಗ್ರಾ.ಪಂ. ಉಪಾಧ್ಯಕ್ಷೆ ಕೆ. ಪ್ರಮೀಳ, ಅಭಿವೃದ್ಧಿ ಸ್ಥಾಯಿ ಸಮಿತಿ ಅಧ್ಯಕ್ಷ ಶಶೀಂದ್ರನ್‌ ಮಡಿಕೈ, ಆರೋಗ್ಯ-ಶಿಕ್ಷ ಣ ಸ್ಥಾಯಿ ಸಮಿತಿ ಅಧ್ಯಕ್ಷ ಎಂ. ಅಬ್ದುಲ್‌ ರಹ್ಮಾನ್‌, ಕ್ಷೇಮಕಾರ‍್ಯ ಸ್ಥಾಯಿ ಸಮಿತಿ ಅಧ್ಯಕ್ಷೆ ಸಿ. ಇಂದಿರ, ವಾರ್ಡ್‌ ಸದಸ್ಯೆ ವಿ. ಶಶಿ, ಹಸಿರು ಕೇರಳ ಮಿಷನ್‌ ಜಿಲ್ಲಾ ಸಂಯೋಜಕ ಎಂ. ಪಿ. ಸುಬ್ರಹ್ಮಣ್ಯನ್‌, ಕಾಞಂಗಾಡು ಕೃಷಿ ಸಹಾಯಕ ನಿರ್ದೇಶಕ ಅನಿಲ್‌ ವರ್ಗೀಸ್‌, ಪಿ. ಬೇಬಿ ಬಾಲಕೃಷ್ಣನ್‌ ಉಪಸ್ಥಿತರಿದ್ದರು. 

ಮಣ್ಣು ಸಮೀಕ್ಷೆಯ ಸಹಾಯಕ ನಿರ್ದೇಶಕ ಎನ್‌. ಸುಬ್ರಹ್ಮಣ್ಯನ್‌ ಸ್ವಾಗತಿಸಿದರು. ಮಡಿಕೈ ಕೃಷಿ ಅಧಿಕಾರಿ ಕೆ. ವೇಣುಗೋಪಾಲನ್‌ ವಂದಿಸಿದರು. ಕುಟುಂಬಶ್ರೀ ಉತ್ಪನ್ನಗಳ ಪ್ರದರ್ಶನ, ಮಾರಾಟ ಹಾಗೂ ಮಕ್ಕಳ ಚಿತ್ರಪ್ರದರ್ಶನ ನಡೆಯಿತು. 

LEAVE A REPLY

Please enter your comment!
Please enter your name here