ಜೊಯಿಡಾ : ಜೊಯಿಡಾ ಪೊಲೀಸ್‌ ವಸತಿ ಗೃಹದಲ್ಲಿ ಆಕ್ರಮವಾಗಿ ಸಂಗ್ರಹಿಸಿದ್ದ ಲಕ್ಷಾಂತರ ರೂಪಾಯಿ ಮೌಲ್ಯದ ಸಾಗವಾನಿ, ಸಿಸಂ, ಕಟ್ಟಿಗೆಯನ್ನು ಪತ್ತೆ ಹಚ್ಚಿ ಜಪ್ತಿ ಮಾಡಿದ ಪ್ರಕರಣ ಪೊಲೀಸ್‌ ಇಲಾಖೆಯೇ ತಲೆ ತಗ್ಗಿಸುವಂತೆ ಮಾಡಿದೆ. ಆದರೆ ಪ್ರಕರಣ ನಡೆದು ಮೂರು ನಾಲ್ಕು ದಿನಗಳಾದರೂ ಪ್ರಕರಣದ ಪ್ರಮುಖ ಆರೋಪಿಯನ್ನು ಬಂಧಿಸಲು ಪ್ರಯತ್ನಿಸದೇ ಇರುವುದು ಸಾರ್ವಜನಿಕ ವಲಯದಲ್ಲಿ ಪ್ರಕರಣ ದಿಕ್ಕು ತಪ್ಪುತ್ತಿದೆಯೇ ಎಂಬ ಭಾವನೆ ಮೂಡಿದೆ.

ಜೊಯಿಡಾ ಗುಪ್ತದಳದ ಪೊಲೀಸ್‌ ಸಿಬ್ಬಂದಿ ತನ್ನ ನೈಜ ಕರ್ತವ್ಯವನ್ನು ಮರೆತು ಆಕ್ರಮ ಕಟ್ಟಿಗೆ ದಂಧೆಯಲ್ಲಿ ತೊಡಗಿಕೊಂಡಿರುವುದು ಪೊಲೀಸ್‌ ಇಲಾಖೆಗೆ ಕಪ್ಪುಚುಕ್ಕೆಯಾಗಿದೆ. ಕಾನೂನು ಸುವ್ಯವಸ್ಥೆಯನ್ನು ಕಾಪಾಡಬೇಕಾದ ಗುಪ್ತದಳದ ಸಿಬ್ಬಂದಿ ಅಕ್ರಮ ಕಟ್ಟಿಗೆ ಪ್ರಕರಣದ ಪ್ರಮುಖ ಆರೋಪಿಯಾಗಿರುವದು ಇಡಿ ಪೊಲೀಸ್‌ ವ್ಯವಸ್ಥೆಯ ಮೇಲೆ ಜನ ಬೆಸರಿಸುವಂತಾಗಿದೆ.

ಮಾಹಿತಿ ನಿಡಲು ಮಿನಮೇಷ: 

ಅಕ್ರಮ ಸಿಸಂ,ಸಾಗುವಾನಿ ಕಟ್ಟಿಗೆ ತುಂಡುಗಳು ಪತ್ತೆಯಾದ ಪೊಲೀಸ್‌ ವಸತಿ ಗೃಹಗಳಲ್ಲಿಯ ಕಟ್ಟಿಗೆ ವಿವರ ನೀಡಲು ಇಲಾಖೆಯ ಅಧಿಕಾರಿಗಳು ಹಿಂದೇಟು ಹಾಕುತ್ತಿದ್ದಾರೆ. ಎಷ್ಟು ಮೌಲ್ಯದ ಕಟ್ಟಿಗೆ ಜಪ್ತಿ ಮಾಡಲಾಗಿದೆ ಎಂಬ ಮಾಹಿತಿಯನ್ನೂ ನೀಡುತ್ತಿಲ್ಲ. ಸುಮಾರು 213 ಸಾಗುವಾನಿ ತುಂಡು, 52 ಸಿಸಂ ತುಂಡು ಸೇರಿ ಅಕ್ರಮ ಕಟ್ಟಿಗೆಯನ್ನು ಪೋಲಿಸ್‌ ಠಾಣೆಯ ಒಳಗೆ ದಾಸ್ತಾನು ಮಾಡಲಾಗಿದೆ. ಸಿಬ್ಬಂದಿಯನ್ನು ಇದುವರೆಗೂ ಬಂಧಿಸದೆ ಇರುವುದು ಅವರನ್ನು ರಕ್ಷ ಣೆ ಮಾಡುವ ಹುನ್ನಾರವಾ ಎಂಬ ಅನುಮಾನಕ್ಕೆ ಎಡೆ ಮಾಡಿಕೊಡುತ್ತಿದೆ.

ಅಕ್ರಮ ಕಟ್ಟಿಗೆ ಯಾವ ಅರಣ್ಯ ಪ್ರದೇಶದ್ದು? 

ಪ್ರಮುಖ ಆರೋಪಿ ಎನ್ನಲಾಗುತ್ತಿರುವ ಗುಪ್ತದಳ ಸಿಬ್ಬಂದಿ ಇದುವರೆಗೂ ತನಿಖಾ ತಂಡಕ್ಕೆ ಸಿಕ್ಕಿಲ್ಲ. ಆದರೆ ಇಷ್ಟೊಂದು ಪ್ರಮಾಣದ ಸಿಸಂ, ಸಾಗವಾನಿ ಕಟ್ಟಿಗೆ ಯಾವ ಅರಣ್ಯ ಪ್ರದೇಶಗಳಿಂದ ಬಂದಿದೆ? ಅರಣ್ಯ ಇಲಾಖೆಯ ಕಲ ಸಿಬ್ಬಂದಿಗಳು ಶಾಮೀಲಾಗಿದ್ದಾರೆಯೇ? ಎನ್ನುವ ಶಂಕೆ ವ್ಯಕ್ತವಾಗುತ್ತಿದೆ. ಈ ಪ್ರಕರಣದಲ್ಲಿ ಆರೋಪೀತನಾಗಿರುವ ಪೊಲೀಸ್‌ ಸಿಬ್ಬಂದಿ ವಿಶೇಷವಾಗಿ ಓಡಾಟ ವಿರುವ ಹಳಿಯಾಳ ಅರಣ್ಯ ವಿಭಾಗದ ಜೊಯಿಡಾ ವಲಯ,ವಿರ್ನೊಲಿ ವಲಯಗಳ ಅರಣ್ಯ ಪ್ರದೇಶ, ಮತ್ತು ಕಾಳಿ ಹುಲಿ ಸಂರಕ್ಷೀತ ಪ್ರದೇಶದ ಪಣಸೋಲಿ ವನ್ಯಜೀವಿ ವಲಯ ಹಾಗೂಅಣಶಿ ವನ್ಯಜೀವಿ ವಲಯದ ಉಳವಿ ಭಾಗಗಳ ಕಟ್ಟಿಗೆಗಳು ಸರಬರಾಜಾಗಿವೆಯೇ? ಇಲ್ಲಿನ ಅರಣ್ಯ ತನಿಖಾ ಠಾಣೆ ಕಣ್‌ ತಪ್ಪಿಸಿ ಹೇಗೆ ಜೊಯಿಡಾ ವಸತಿ ಗೃಹ ಸೇರದವು? ಎಲ್ಲವೂ ತನಿಖೆಯಿಂದ ಬಯಲಾಗಬೇಕಿದೆ.

ನಾಳೆ ಬಂದ್‌ 

ಇಲ್ಲಿಯ ಗ್ರಾಮ ಪಂಚಾಯಿತಿಯಲ್ಲಿ ಸೋಮವಾರ ಸಭೆ ಸೇರಿದ ಗ್ರಾ.ಪಂ. ಸದಸ್ಯರು, ಸಾರ್ವಜನಿಕರು,ವಿವಿಧ ಸಂಘಟನೆಯ ಪ್ರಮುಖರು Ó ಪ್ರಕರಣದ ಪ್ರಮುಖ ಆರೋಪಿಯನ್ನು ಬಂಧಿಸದೇ ಇರುವುದು, ಅರಣ್ಯಾಧಿಕಾರಿಗಳ ನಿರ್ಲ ಕ್ಷ್ಯ ಹಾಗೂ ಪೊಲೀಸ್‌ ಇಲಾಖೆಯ ಕಾರ್ಯ ವನ್ನು ಖಂಡಿಸಿ ಬುಧವಾರ ಜೊಯಿಡಾ ಬಂದ್‌ಗೆ ಕರೆ ನೀಡಿವೆ.

Summary
ಜೊಯಿಡಾ : ಪ್ರಕರಣ ದಿಕ್ಕು ತಪ್ಪಿಸುವ ಯತ್ನ?
Article Name
ಜೊಯಿಡಾ : ಪ್ರಕರಣ ದಿಕ್ಕು ತಪ್ಪಿಸುವ ಯತ್ನ?
Description
ಸದಸ್ಯರು, ಸಾರ್ವಜನಿಕರು,ವಿವಿಧ ಸಂಘಟನೆಯ ಪ್ರಮುಖರು Ó ಪ್ರಕರಣದ ಪ್ರಮುಖ ಆರೋಪಿಯನ್ನು ಬಂಧಿಸದೇ ಇರುವುದು, ಅರಣ್ಯಾಧಿಕಾರಿಗಳ ನಿರ್ಲ ಕ್ಷ್ಯ ಹಾಗೂ ಪೊಲೀಸ್‌ ಇಲಾಖೆಯ ಕಾರ್ಯ ವನ್ನು ಖಂಡಿಸಿ ಬುಧವಾರ ಜೊಯಿಡಾ ಬಂದ್‌ಗೆ ಕರೆ ನೀಡಿವೆ. 

LEAVE A REPLY

Please enter your comment!
Please enter your name here