ರೋಣ : ಪಟ್ಟಣದ ಪುರಸಭೆಯ ಹಿಂದಿನ ವಿಶಾಲ ಜಾಗೆಯಲ್ಲಿ ನಿರ್ಮಾಣವಾದ ಸ್ತ್ರೀಶಕ್ತಿ ಭವನ ಇಂದಿಗೂ ನಿಶ್ಯಕ್ತ್ತವಾಗಿದೆ!. ಜಿ.ಪಂ.ನ ರೂ.15 ಲಕ್ಷ ಅನುದಾನದಲ್ಲಿ ನಿರ್ಮಿಸಿದ ಈ ಭವನ ಆರೇಳು ವರ್ಷಗಳಿಂದ ಸದ್ಬಳಕೆಯಾಗದೆ ಅನಾಥವಾಗಿದೆ. ದುರಂತವೆಂದರೆ, ಈ ಭವನಕ್ಕೆ ಸಂಬಂಧಿಸಿದ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳ ಕಚೇರಿ ಬಾಡಿಗೆ ಕಟ್ಟಡದಲ್ಲಿ ನಡೆಯುತ್ತಿದೆ!. ಆದರೂ ಈ ಭವನ ಸಂಬಂಧಿಸಿದವರಿಗೆ ಬೇಡವಾದ ಕಟ್ಟಡವೇ ಆಗಿರುವುದು ಎಂಬ ಜನರ ಪ್ರಶ್ನೆಗೆ ಕಾರಣವಾಗಿದೆ.

ಈ ಭವನ ವರ್ಷದ ಹಿಂದೆ ಗುಜರಿ ಗೋಡೌನ್‌ ಆಗಿತ್ತು. ಈ ಕುರಿತು ವಿಜಯ ಕರ್ನಾಟಕದಲ್ಲಿ ಪ್ರಕಟಗೊಂಡ ವರದಿಯಿಂದ ಅಲ್ಲಿನ ಗುಜರಿಗಳೆಲ್ಲವೂ ಮಾಯವಾದವು. ಈಗ ಆಗಾಗ ಅಂಗನವಾಡಿ ಕಾರ್ಯಕರ್ತೆಯರ ಸಭೆ ನಡೆಯುವುದು ಬಿಟ್ಟರೆ ಪೂರ್ಣ ಪ್ರಮಾಣದಲ್ಲಿ ಕ್ರಿಯಾಶೀಲವಾಗಿಲ್ಲ.

ಅನಾಥ ಭವನ

ಭವನದಲ್ಲಿ ಪೂರ್ಣ ಧೂಳು ತುಂಬಿದೆ. ನೆಲದ ಹಾಸಿನ ಕಲ್ಲುಗಳು, ಕಿಟಕಿ ಗ್ಲಾಜುಗಳು, ಬಾಗಿಲು ಪಡಕುಗಳು ಒಡೆದು, ಮುರಿದು ಬಿದ್ದಿವೆ. ಸುತ್ತಲೂ ಜಾಲಿಕಂಟಿಗಳು ಬೆಳೆದಿವೆ. 15 ಲಕ್ಷ ರೂ. ಅನುದಾನದಲ್ಲಿ ಜಿಪಂ ಇಂಜನಿಯರಿಂಗ್‌ ವಿಭಾಗದಿಂದ ನಿರ್ಮಿಸಿದ ಈ ಭವನದ ನೆಲಹಾಸು ಸಂಪೂರ್ಣ ಕಿತ್ತು ಹೋಗಿದ್ದು, ಅಲ್ಲಲ್ಲಿ ಗೋಡೆಗಳು ಬಿರುಕು ಬಿಟ್ಟಿವೆ. ಆರೇಳು ವರ್ಷಗಳಲ್ಲೇ ಈ ದುಸ್ಥಿತಿ ತಲುಪಿದೆ ಎಂದರೆ ಕಾಮಗಾರಿ ಗುಣಮಟ್ಟವನ್ನೂ ಜನರು ಪ್ರಶ್ನಿಸುವಂತಾಗಿದೆ.

ದುರಸ್ತಿಗಿಲ್ಲ ಅನುದಾನ

ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳ ಕಚೇರಿಗಳು ರಾಜ್ಯದ ಬಹುತೇಕ ಕಡೆ ಬಾಡಿಗೆ ಕಟ್ಟಡಗಳಲ್ಲಿ ನಡೆಯುತ್ತಿವೆ. ಸ್ತ್ರೀ ಶಕ್ತಿ ಭವನ ದುರಸ್ತಿ ಮಾಡಿಸಿಕೊಳ್ಳಲು ಯಾವುದೇ ಅನುದಾನ ಮೀಸಲಿಲ್ಲ. ಇದು ರಾಜ್ಯ ಮಟ್ಟದಲ್ಲಿ ಆಗಬೇಕಾದ ಕಾರ್ಯ. ಅನುದಾನ ನೀಡಿದರೆ ಈ ಕಟ್ಟಡಗಳನ್ನು ಸುಸ್ಥಿತಿಗೆ ತರಬಹುದು ಎನ್ನುತ್ತಾರೆ ಇಲಾಖೆ ಸಿಬ್ಬಂದಿ.

ಕಚೇರಿಗೆ ಅವಕಾಶ ನೀಡಲಿಲ್ಲ

ಈ ಭವನದಲ್ಲಿ ಕಚೇರಿ ನಡೆಸುವ ಬಗ್ಗೆ ಹಿಂದಿನ ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳು ಜಿಲ್ಲಾ ಮಟ್ಟದ ಅಧಿಕಾರಿಗಳಿಗೆ ಲಿಖಿತ ಮತ್ತು ಮೌಖಿಕ ಮನವಿಗಳನ್ನು ಮಾಡಿಕೊಂಡಿದ್ದಾರೆ. ಇದಕ್ಕೆ ಆಗಿನ ಹಿರಿಯ ಅಧಿಕಾರಿಗಳು ಅವಕಾಶ ನೀಡಲಿಲ್ಲ ಎನ್ನುತ್ತಾರೆ ಹೆಸರು ಹೇಳಲಿಚ್ಚಸದ ಸಿಬ್ಬಂದಿ.

ಇನ್ನಾದರೂ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಅಧಿಕಾರಿಗಳು ದುರಸ್ತಿಗೆ ಕ್ರಮ ಕೈಗೊಂಡು ಕಚೇರಿಗಳು ಅಲ್ಲಿಯೇ ನಡೆದರೆ ಸ್ತ್ರೀ ಶಕ್ತಿ ಭವನಗಳ ಉದ್ದೇಶವಾದರೂ ಸಫಲವಾಗುವುದು.

Summary
ಪಟ್ಟಣದ ಪುರಸಭೆಯ ಹಿಂದಿನ ವಿಶಾಲ ಜಾಗೆಯಲ್ಲಿ ನಿರ್ಮಾಣವಾದ ಸ್ತ್ರೀಶಕ್ತಿ ಭವನ ಇಂದಿಗೂ ನಿಶ್ಯಕ್ತ್ತವಾಗಿದೆ!.
Article Name
ಪಟ್ಟಣದ ಪುರಸಭೆಯ ಹಿಂದಿನ ವಿಶಾಲ ಜಾಗೆಯಲ್ಲಿ ನಿರ್ಮಾಣವಾದ ಸ್ತ್ರೀಶಕ್ತಿ ಭವನ ಇಂದಿಗೂ ನಿಶ್ಯಕ್ತ್ತವಾಗಿದೆ!.
Description
ಭವನದಲ್ಲಿ ಪೂರ್ಣ ಧೂಳು ತುಂಬಿದೆ. ನೆಲದ ಹಾಸಿನ ಕಲ್ಲುಗಳು, ಕಿಟಕಿ ಗ್ಲಾಜುಗಳು, ಬಾಗಿಲು ಪಡಕುಗಳು ಒಡೆದು, ಮುರಿದು ಬಿದ್ದಿವೆ. ಸುತ್ತಲೂ ಜಾಲಿಕಂಟಿಗಳು ಬೆಳೆದಿವೆ. 15 ಲಕ್ಷ ರೂ. ಅನುದಾನದಲ್ಲಿ ಜಿಪಂ ಇಂಜನಿಯರಿಂಗ್‌ ವಿಭಾಗದಿಂದ ನಿರ್ಮಿಸಿದ ಈ ಭವನದ ನೆಲಹಾಸು ಸಂಪೂರ್ಣ ಕಿತ್ತು ಹೋಗಿದ್ದು, ಅಲ್ಲಲ್ಲಿ ಗೋಡೆಗಳು ಬಿರುಕು ಬಿಟ್ಟಿವೆ. ಆರೇಳು ವರ್ಷಗಳಲ್ಲೇ ಈ ದುಸ್ಥಿತಿ ತಲುಪಿದೆ ಎಂದರೆ ಕಾಮಗಾರಿ ಗುಣಮಟ್ಟವನ್ನೂ ಜನರು ಪ್ರಶ್ನಿಸುವಂತಾಗಿದೆ.

LEAVE A REPLY

Please enter your comment!
Please enter your name here