ನರಸಿಂಹರಾಜಪುರ

ಪರಮಾತ್ಮನಲ್ಲಿ ನಂಬಿಕೆ ಇಡಬೇಕು. ನಂಬಿಕೆ ಇಲ್ಲದಿದ್ದವರಿಗೆ ಫಲ ಸಿಗುವುದಿಲ್ಲ ಎಂದು ಉಡುಪಿಯ ಪೇಜಾವರಮಠದ ಶ್ರೀ ವಿಶ್ವೇಶತೀರ್ಥ ಶ್ರೀಪಾದರು ಹೇಳಿದರು.

ಅವರು ಬುಧವಾರ ಗೋಪಾಲಕೃಷ್ಣ ದೇವಸ್ಥಾನದಲ್ಲಿ ಪಟ್ಟದ ದೇವರಿಗೆ ವಿಶೇಷ ಪೂಜೆ ನೆರವೇರಿಸಿ ನಂತರ ಧಾರ್ಮಿಕ ಪ್ರವಚನ ನೀಡಿದರು.

ನಾವು ದೇವರಲ್ಲಿ ನಂಬಿಕೆ ಇಟ್ಟರೆ ದೇವರು ನಮ್ಮನ್ನು ಕಾಪಾಡುತ್ತಾನೆ. ಒಬ್ಬ ಭಕ್ತ ಶರಣಾಗಿ ಬಂದರೆ ದೇವರು ಅವನನ್ನು ಕ್ಷ ಮಿಸಿ ಅಭಯಹಸ್ತ ನೀಡುತ್ತಾನೆ. ರಾಮಾಯಣ, ಮಹಾ ಭಾರತದಲ್ಲೂ, ವೇದ, ಪುರಾಣಗಳಲ್ಲೂ ಭಕ್ತನಿಗೆ ದೇವರು ರಕ್ಷ ಣೆ ನೀಡಿದ ಉದಾಹರಣೆ ಇದೆ ಎಂದರು.

ನಮ್ಮ ಮಕ್ಕಳಿಗೂ ದೇವರಲ್ಲಿ ಶ್ರದ್ಧೆ ಇಡುವುದನ್ನು, ಸಂಸ್ಕಾರ, ಸಂಸ್ಕೃತಿಯನ್ನು ತಿಳಿಸಿಕೊಡಬೇಕು. ಶಾಸ್ತ್ರ, ಪುರಾಣಗಳನ್ನು ಕಲಿಸಬೇಕು. ನಿತ್ಯ ದೇವರ ಪೂಜೆ ಮಾಡುವುದನ್ನು ತಿಳಿಸಿಬೇಕು.

ಯಾವುದೇ ಸಂದರ್ಭದಲ್ಲೂ ಭ್ರಷ್ಟಾಚಾರ, ಅನ್ಯಾಯ, ಮೋಸ ಮಾಡಬಾರದು. ಸದಾ ದೇವರ ಸ್ಮರಣೆ ಮಾಡುತ್ತಿದ್ದರೆ, ಅನ್ಯಾಯ ಮಾಡಲು ಮನಸ್ಸು ಬರುವುದಿಲ್ಲ ಎಂದರು.
ಮಹಾ ವಿದ್ಯಾಲಯ: ಮಧ್ವಾಚಾರ್ಯರ ಅವತಾರ ಭೂಮಿಯಾದ ಉಡುಪಿಯಲ್ಲಿ ಆನಂದತೀರ್ಥ ಮಹಾ ವಿದ್ಯಾಲಯ ಎಂಬ ವಿದ್ಯಾಶಾಲೆಯನ್ನು ಈಗಾಗಲೇ ಪ್ರಾರಂಭಿಸಿದ್ದೇವೆ. ಇದಕ್ಕೆ ಅಂದಾಜು 8 ಕೋಟಿ ರೂ. ಖರ್ಚು ಬರಲಿದೆ. ಭಕ್ತರು ನೀಡಿದ ಕಾಣಿಕೆಗಳನ್ನು ಈ ವಿದ್ಯಾ ಸಂಸ್ಥೆಗೆ ಉಪಯೋಗಿಸುತ್ತೇವೆ. ಇಲ್ಲಿ ಪ್ರೈಮರಿ ಶಾಲೆಯಿಂದ ಪದವಿಯವರೆಗೆ ಇಂಗ್ಲಿಷ್‌ ಮೀಡಿಯಂನಲ್ಲಿ ಶಿಕ್ಷ ಣ ನೀಡುತ್ತೇವೆ. ಧರ್ಮ, ಸಂಸ್ಕಾರ, ಭಕ್ತಿ ಕಲಿಸುತ್ತೇವೆ. ಸಂಸ್ಕೃತ ವಿಭಾಗ, ವಿಶೇಷ ಧಾರ್ಮಿಕ ಶಿಕ್ಷ ಣ ನೀಡುತ್ತೇವೆ ಎಂದರು.
ಸಭೆಯಲ್ಲಿ ಉಡುಪಿಯ ಬನ್ನಂಜೆ ರಾಘವೇಂದ್ರ ಸ್ವಾಮಿಗಳು ಉಪಸ್ಥಿತರಿದ್ದರು. ಸದಾಶಿವ ಉಪಾಧ್ಯ ಸ್ವಾಗತಿಸಿ, ರಾಮಚಂದ್ರ ವಂದಿಸಿದರು.
ಉಡುಪಿಯ ಪೇಜಾವರ ಶ್ರೀಗಳು ತಮ್ಮ 88ನೇ ವಯಸ್ಸಿನಲ್ಲೂ ಚಟುವಟಿಕೆಯಿಂದಲೇ ಬುಧವಾರ ಬೆಳಗ್ಗೆಯಿಂದ ಸೀತೂರು ಗ್ರಾಮ ಹಾಗೂ ಯಡಗೆರೆ ಸೇರಿ 15ಕ್ಕೂ ಹೆಚ್ಚು ಭಕ್ತರ ಮನೆಗಳಿಗೆ ಹೋಗಿ ಪಾದ ಪೂಜೆಯಲ್ಲಿ ಪಾಲ್ಗೊಂಡು ಆಶೀರ್ವಾದ ಮಾಡಿದರು. ಯಡಗೆರೆಯ ರಾಮನಾಥೇಶ್ವರ ದೇವಸ್ಥಾನಕ್ಕೂ ಭೇಟಿ ನೀಡಿ ದೇವರಿಗೆ ಮಂಗಳಾರತಿ ಮಾಡಿದರು. ನರಸಿಂಹರಾಜಪುರ ತಾಲೂಕು ಬ್ರಾಹ್ಮಣ ಮಹಾ ಸಭಾದವರು ಪೇಜಾವರ ಶ್ರೀಗಳ ಪಾದಪೂಜೆ ನೆರವೇರಿಸಿದರು. ಗೋಪಾಲಕೃಷ್ಣ ದೇವಸ್ಥಾನದಲ್ಲಿ ಆಗಮಿಸಿದ್ದ ಭಕ್ತರಿಗೆ ಶ್ರೀಗಳು ಫಲ, ಮಂತ್ರಾಕ್ಷ ತೆ ನೀಡಿದರು.
ಬಿಗಿ ಭದ್ರತೆ : ಪೇಜಾವರ ಶ್ರೀಗಳು ಸೀತೂರು ಗ್ರಾಮಕ್ಕೆ ಮಂಗಳವಾರ ರಾತ್ರಿ 8.30ಕ್ಕೆ ಆಗಮಿಸಿದ್ದರು. ಬುಧವಾರ ಸಂಜೆ ಅವರು ವಾಪಸಾಗುವುವರೆಗೂ ಪೊಲೀಸರು ವೈ ಕೆಟಗರಿ ಭದ್ರತೆ ನೀಡಿದ್ದರು. ಶ್ರೀಗಳು ತೆರಳುವ ಎಲ್ಲ ಭಕ್ತರ ಮನೆಗಳಿಗೂ ಪೊಲೀಸ್‌ ವಾಹನ ಹಿಂಬಾಲಿಸುತ್ತಿತ್ತು.

:

LEAVE A REPLY

Please enter your comment!
Please enter your name here