ಮುಂಡರಗಿ : ಬಹಳ ಸಾಲ ಮಾಡದೆ, ಕೃಷಿಯಲ್ಲಿ ಆದಾಯ ತರುವ ಸಾವಯವ ಕೃಷಿ ಅಳವಡಿಸಿಕೊಂಡರೆ ಮಾತ್ರ ರೈತರು ಅಭಿವೃದ್ಧಿ ಹೊಂದಲು ಸಾಧ್ಯ. ಸಾವಯವ ಕೃಷಿ ಅರಿತು ಇಂತಹ ಕೃಷಿಕಾಯಕದಲ್ಲಿ ತೊಡಗಿದರೆ ರೈತ ಸ್ವಾವಲಂಬಿಯಾಗಿ ಬದುಕಬಲ್ಲ ಎಂದು ಕರ್ನಾಟಕ ರಾಜ್ಯ ಕೃಷಿಕರ ನೈಸರ್ಗಿಕ ಕೃಷಿ ಅಂದೋಲನ ವೇದಿಕೆ ಸಂಚಾಲಕ ಟಿ.ಆರ್‌.ಪ್ರಸನ್ನ ಮೂರ್ತಿ ಹೇಳಿದರು.ಅವರು ತಾಲೂಕಿನ ನಾಗರಹಳ್ಳಿ ಗ್ರಾಮದ ಪ್ರಗತಿಪರ ರೈತ ಕೃಷಿ ಪಂಡಿತ ಈಶ್ವರಪ್ಪ ಹಂಚಿನಾಳ ಅವರ ಪುಣ್ಯಕೋಟಿ ವೃಕ್ಷ ದಾಮದಲ್ಲಿ ನಡೆದ ಅಮೃತ ಗಟ್ಟಿ ಬೆಲ್ಲ ತಯಾರಿಸು ಘಟಕದ ಉದ್ಘಾಟಿನಾ ಸಮಾರಂಭದಲ್ಲಿ ಉಪನ್ಯಾಸವನ್ನು ನೀಡಿದರು.

ಹೆಚ್ಚು ಅಪಾಯ ತರುವ ರಾಸಾಯನಿಕಗಳನ್ನು ಬಳಸಿ ಮಣ್ಣು ಮತ್ತು ಬೆಳೆಗಳನ್ನು ವಿಷ ಮಾಡಿ ಸಾಲಗಾರನಾಗುವ ಬದಲು ಜೀವನಪರವಾದ ಕಡಿಮೆ ಖರ್ಚಿನ ಸತ್ವಯುತ ಬೆಳೆ ಬೆಳೆದು ಬದುಕನ್ನು ಸುಂದರಗೊಳಿಸಿಕೊಳ್ಳುವುದು ಶ್ರೇಷ್ಠ. ಇದರಿಂದ ಜೀವ ಸಂಕುಲದ ನಾಶ ತಡೆಗಟ್ಟುವುದಲ್ಲದೆ ರೈತರು ಸಾಲದಿಂದ ಮುಕ್ತರಾಗಬಹುದು ಎಂದರು.

ಇಂತಹ ಕೃಷಿಯಲ್ಲಿ ಪಳಗಿ ಎಲ್ಲ ರೀತಿಯಿಂದಲೂ ಕೃಷಿಯಲ್ಲಿ ಹೊಸ ಹೆಜ್ಜೆಗಳನ್ನಿಡುತ್ತ ಬೆಳೆಯುತ್ತಿರುವ ಈಶ್ವರಪ್ಪ ಹಂಚಿನಾಳ ಅವರ ಸಾಧನೆ ಇತರೆ ರೈತರಿಗೆ ಮಾರ್ಗದರ್ಶನ ಎಂದರು. ಅಮೃತ ಗಟ್ಟಿ ಬೆಲ್ಲ ತಯಾರಿಕೆ ಘಟಕವನ್ನು ಹುಬ್ಬಳ್ಳಿ ಸಿಂಡಿಕೇಟ್‌ ಬ್ಯಾಂಕ್‌ ರಿಜಿನಲ್‌ ಮ್ಯಾನೇಜರ್‌ ಕೆ.ಶಿವಕುಮಾರ ಉದ್ಘಾಟಿಸಿದರು. ಗದಗ ಜಿಲ್ಲೆಯ ಗ್ರಾಮೀಣ ಕೈಗಾರಿಕೆ ಘಟಕದ ಅಧ್ಯಕ್ಷ ಟಿ.ದಿನೇಶ ಬೆಲ್ಲ ತಯಾರಿಕೆ ಘಟಕದ ಯಂತ್ರ ಚಾಲನೆ ಮಾಡಿದರು. ಮುಂಡರಗಿ ಸಿಂಡಿಕೇಟ್‌ ಬ್ಯಾಂಕ್‌ ಮ್ಯಾನೇಜರೆ ಚರಣರಾಜ್‌, ಪ್ರಶಾಂತ ರೆಟ್ಟಿ, ತೋಟಗಾರಿಕಾ ಇಲಾಖೆಯ ಹಿರಿತ ಸಹಾಯಕ ನಿರ್ಧೇಶಕ ಸುರೇಶ ಕುಂಬಾರ, ವೈ.ಎನ್‌.ಗೌಡರ, ಎಸ್‌.ವಿ.ಪಾಟೀಲ, ಕರಬಸಪ್ಪ ಹಂಚಿನಾಳ ಮಂಜುನಾಥ ಹಂಚಿನಾಳ, ಗೀತಾ ಹಂಚಿನಾಳ ಇತರರು ಉಪಸ್ಥಿತರಿದ್ದರು.

ಕೃಷಿ ಪಂಡಿತ ಪ್ರಶಸ್ತಿ ಪುರಷ್ಕೃತ ಈಶ್ವರಪ್ಪ ಹಂಚಿನಾಳ ಅಧ್ಯಕ್ಷ ತೆ ವಹಿಸಿದ್ದರು. ಈ ಸಂದರ್ಭದಲ್ಲಿ ಸಾಧಕರಿಗೆ ಸನ್ಮಾನಿಸಲಾಯಿತು. ಪ್ರಾರಂಭದಲ್ಲಿ ಸಂಜೀವ ಮುಂಡರಗಿ ಸ್ವಾಗತಿಸಿದರು. ಡಾ.ನಿಂಗು ಸೊಲಗಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಗುಡದಪ್ಪ ಲಿಂಗಶೆಟ್ಟರ ನಿರೂಪಿಸಿದರು. ಡಿ.ಟಿ.ಇಮ್ರಾಪೂರ ವಂದಿಸಿದರು.

Summary
ಮುಂಡರಗಿ : ಸಾವಯವ ಕೃಷಿಯಿಂದ ಆದಾಯ ಹೆಚ್ಚಿಸಿಕೊಳ್ಳಿ !
Article Name
ಮುಂಡರಗಿ : ಸಾವಯವ ಕೃಷಿಯಿಂದ ಆದಾಯ ಹೆಚ್ಚಿಸಿಕೊಳ್ಳಿ !
Description
ಈ ಸಂದರ್ಭದಲ್ಲಿ ಸಾಧಕರಿಗೆ ಸನ್ಮಾನಿಸಲಾಯಿತು. ಪ್ರಾರಂಭದಲ್ಲಿ ಸಂಜೀವ ಮುಂಡರಗಿ ಸ್ವಾಗತಿಸಿದರು. ಡಾ.ನಿಂಗು ಸೊಲಗಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಗುಡದಪ್ಪ ಲಿಂಗಶೆಟ್ಟರ ನಿರೂಪಿಸಿದರು. ಡಿ.ಟಿ.ಇಮ್ರಾಪೂರ ವಂದಿಸಿದರು. 

LEAVE A REPLY

Please enter your comment!
Please enter your name here