ಮುಂಬಯಿ: ಬಾಲಿವುಡ್‌ ಖ್ಯಾತ ನಟ ಅಕ್ಷಯ್ ಕುಮಾರ್ ಹಾಗೂ ನಟಿ ಪರಿಣೀತಾ ಚೋಪ್ರಾ ಅಭಿನಯದ ಐತಿಹಾಸಿಕ ಡ್ರಾಮಾ ‘ಕೇಸರಿ’ ಮುಂದಿನ ತಿಂಗಳು ಬಿಡುಗಡೆಯಾಗಲಿದೆ. 19ನೇ ಶತಮಾನದ ಸಾರಾಗಢಿ ಯುದ್ಧದ ಕತೆಯುಳ್ಳ ಈ ಚಿತ್ರದ ಟೀಸರ್‌ವೊಂದನ್ನು ಬಿಡುಗಡೆ ಮಾಡಲಾಗಿದೆ.

ಫೆಬ್ರವರಿ 21ರಂದು ‘ಕೇಸರಿ’ ಚಿತ್ರದ ಟ್ರೇಲರ್ ಬಿಡುಗಡೆಯಾಗಲಿದ್ದು, ಅದಕ್ಕೂ ಮುನ್ನ ಗ್ಲಿಂಪ್ಸ್ ವೀಡಿಯೋ ಅಂದರೆ ಚಿತ್ರದ ಟೀಸರ್ ಅನ್ನು ಯೂ ಟ್ಯೂಬ್‌ನಲ್ಲಿ ಅಧಿಕೃತವಾಗಿ ಬಿಡುಗಡೆ ಮಾಡಲಾಗಿದೆ. ಈ ಮೂಲಕ ಟ್ರೇಲರ್‌ಗಾಗಿ ಕಾಯುತ್ತಿದ್ದ ಚಿತ್ರದ ಅಭಿಮಾನಿಗಳಿಗೆ ಚಿತ್ರತಂಡ ಸರ್‌ಪ್ರೈಸ್‌ ನೀಡಿದೆ.

ಈ ವೀಡಿಯೋವನ್ನು ಟ್ವಿಟರ್‌ನಲ್ಲಿ ನಟ ಅಕ್ಷಯ್ ಕುಮಾರ್ ಶೇರ್ ಮಾಡಿಕೊಂಡಿದ್ದು, ”ಇದು ನಂಬಲಸಾಧ್ಯವಾಗದ ನಿಜವಾದ ಕತೆ. ಈ ಚಿತ್ರದ ಮೊದಲ ವೀಡಿಯೋವನ್ನು ನಿಮಗೆ ತೋರಿಸುತ್ತಿದ್ದೇವೆ. ಕೇಸರಿ ಚಿತ್ರದ ಟ್ರೇಲರ್ ಫೆಬ್ರವರಿ 21ರಂದು ಬಿಡುಗಡೆಯಾಗಲಿದೆ ಎಂದೂ ಅಕ್ಷಯ್ ಕುಮಾರ್ ಹ್ಯಾಶ್‌ಟ್ಯಾಗ್ ಹಾಕಿಕೊಂಡಿದ್ದಾರೆ. ಈ ವೀಡಿಯೋವನ್ನು ಈಗಾಗಲೇ ಲಕ್ಷಾಂತರ ಮಂದಿ ವೀಕ್ಷಿಸಿದ್ದು, ಮೆಚ್ಚಿಕೊಂಡಿದ್ದಾರೆ.

ಸಿಖ್‌ ರಾಜರ ವಿರುದ್ಧ ಹೋರಾಡಲು ಆಫ್ಘನ್ ಯೋಧರು ಓಡುತ್ತಿರುವ ದೃಶ್ಯವನ್ನು ಈ ವೀಡಿಯೋದಲ್ಲಿ ಬಿಡುಗಡೆ ಮಾಡಲಾಗಿದೆ. ಇನ್ನು, ‘ಕೇಸರಿ’ ಚಿತ್ರ ಮಾರ್ಚ್‌ 21 ರಂದು ಬಿಡುಗಡೆಯಾಗಲಿದ್ದು, ಅದಕ್ಕೂ ಒಂದು ತಿಂಗಳು ಮೊದಲೇ ಅಂದರೆ ಫೆಬ್ರವರಿ 21ರಂದು ಟ್ರೇಲರ್ ರಿಲೀಸ್‌ ಆಗಲಿದೆ.

ಕರಣ್‌ ಜೋಹರ್ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದು, 21 ಸಿಖ್‌ ಯೋಧರ ಮಿಲಿಟರಿ ಕಮಾಂಡರ್ ಪಾತ್ರವನ್ನು ಅಕ್ಷಯ್ ಕುಮಾರ್ ಮಾಡುತ್ತಿದ್ದಾರೆ. ಸಾವಿರಾರು ಆಫ್ಘನ್ ಆಕ್ರಮಣಕಾರರ ವಿರುದ್ಧ ಹೋರಾಡಿದ ಹವೀಲ್ದಾರ್ ಇಶಾರ್ ಸಿಂಗ್ ಪಾತ್ರವನ್ನು ಮಾಡಿದ್ದು, ಈ ಚಿತ್ರದಲ್ಲಿ ಪರಿಣೀತಿ ಚೋಪ್ರಾ ಮೊದಲ ಬಾರಿಗೆ ಅಕ್ಷಯ್ ಕುಮಾರ್ ಜತೆ ರೊಮ್ಯಾನ್ಸ್ ಮಾಡಿದ್ದಾರೆ.

ಖ್ಯಾತ ಪಂಜಾಬಿ ನಿರ್ದೇಶಕ ಅನುರಾಗ್ ಸಿಂಗ್ ‘ಕೇಸರಿ’ ಚಿತ್ರವನ್ನು ನಿರ್ದೇಶಿಸಿದ್ದು, ಈ ಐತಿಹಾಸಿಕ ಚಿತ್ರ ಮಾರ್ಚ್ 21ರಂದು ಬಿಡುಗಡೆಯಾಗಲಿದೆ. 1897ರಲ್ಲಿ 10,000 ಆಫ್ಘನ್ ಯೋಧರ ಜತೆ 21 ಸಿಖ್‌ ಯೋಧರು ಯುದ್ಧದಲ್ಲಿ ಹೋರಾಡಿದರು.

Summary
ಮುಂಬಯಿ : 'ಕೇಸರಿ' ಐತಿಹಾಸಿಕ ಚಿತ್ರದ ಫಸ್ಟ್ ವೀಡಿಯೋ ರಿಲೀಸ್: ಅಕ್ಷಯ್ ಕುಮಾರ್ ಅಭಿಮಾನಿಗಳು ಥ್ರಿಲ್ !!
Article Name
ಮುಂಬಯಿ : 'ಕೇಸರಿ' ಐತಿಹಾಸಿಕ ಚಿತ್ರದ ಫಸ್ಟ್ ವೀಡಿಯೋ ರಿಲೀಸ್: ಅಕ್ಷಯ್ ಕುಮಾರ್ ಅಭಿಮಾನಿಗಳು ಥ್ರಿಲ್ !!
Description
ಸಿಖ್‌ ರಾಜರ ವಿರುದ್ಧ ಹೋರಾಡಲು ಆಫ್ಘನ್ ಯೋಧರು ಓಡುತ್ತಿರುವ ದೃಶ್ಯವನ್ನು ಈ ವೀಡಿಯೋದಲ್ಲಿ ಬಿಡುಗಡೆ ಮಾಡಲಾಗಿದೆ. ಇನ್ನು, 'ಕೇಸರಿ' ಚಿತ್ರ ಮಾರ್ಚ್‌ 21 ರಂದು ಬಿಡುಗಡೆಯಾಗಲಿದ್ದು, ಅದಕ್ಕೂ ಒಂದು ತಿಂಗಳು ಮೊದಲೇ ಅಂದರೆ ಫೆಬ್ರವರಿ 21ರಂದು ಟ್ರೇಲರ್ ರಿಲೀಸ್‌ ಆಗಲಿದೆ. 

LEAVE A REPLY

Please enter your comment!
Please enter your name here