ಮುಂಬಯಿ: 2018ರಲ್ಲಿ ಹಲವು ಬಾಲಿವುಡ್ ಸೆಲೆಬ್ರಿಟಿಗಳ ಮದುವೆ ನಡೆದಿದ್ದು, ಕೆಲ ದೊಡ್ಡ ದೊಡ್ಡ ವಿಐಪಿಗಳ ವಿವಾಹಗಳನ್ನೂ ಸಹ ನೋಡಿದ್ದೇವೆ. ಬಾಲಿವುಡ್‌ನ ಕ್ಯೂಟ್‌ ಜೋಡಿ ರಣವೀರ್ ಸಿಂಗ್, ದೀಪಿಕಾ ಪಡುಕೋಣೆ ಹಾಗೂ ಪ್ರಿಯಾಂಕಾ ಚೋಪ್ರಾ ಹಾಗೂ ನಿಕ್ ಜೊನಾಸ್ ಜೋಡಿ ಸಹ 2018ರಲ್ಲಿ ಮದುವೆಯಾದರು. ಇನ್ನು, 2019ರಲ್ಲೂ ಸಹ ಹಲವು ಸೆಲೆಬ್ರಿಟಿಗಳು ವಿವಾಹ ಬಂಧನಕ್ಕೆ ಒಳಗಾಗಲಿದ್ದಾರೆ ಎನ್ನಲಾಗುತ್ತಿದೆ.

ಆದರೆ, ನಟಿ ಕತ್ರೀನಾ ಕೈಫ್‌ಗೆ ಮಾತ್ರ ಸೆಲೆಬ್ರಿಟಿಗಳ ಮದುವೆಗೆ ಹಾಜರಾಗಲು ಇಷ್ಟವಿಲ್ಲ ಅನ್ಸುತ್ತೆ. ಇತ್ತೀಚೆಗೆ ಫಿಲಂಫೇರ್‌ ಮನರಂಜನಾ ಮಾಧ್ಯಮಕ್ಕೆ ಸಂದರ್ಶನ ನೀಡಿದ ಕತ್ರೀನಾ ಕೈಫ್‌, ಸೆಲೆಬ್ರಿಟಿಗಳು ಮದುವೆಯಾಗುತ್ತಿರುವುದರ ಬಗ್ಗೆ ಹೇಳಿದ್ದೇನು ಗೊತ್ತಾ? ” ನನಗೆ ಅನಿಸಿದ್ದೇನೆಂದರೆ ಎಲ್ಲರೂ ಮದುವೆಯಾಗುತ್ತಿದ್ದಾರೆ. ಕಾಯಿರಿ.. ನನ್ನನ್ನು ಹಿಂದೆ ಬಿಟ್ಟು ಹೋಗಬೇಡಿ” ಎಂದು ಬಾಲಿವುಡ್‌ ನಟಿ ಕತ್ರೀನಾ ಕೈಫ್‌ ಪ್ರತಿಕ್ರಿಯೆ ನೀಡಿದ್ದಾಳೆ. ಈ ಪ್ರತಿಕ್ರಿಯೆಗೆ ಹಲವರು ಅಚ್ಚರಿಗೊಳಗಾಗಿದ್ದಾರೆ.

ಇನ್ನೊಂದೆಡೆ, ನಟಿ ಕತ್ರೀನಾ ಕೈಫ್‌ ಸದ್ಯ ಸಲ್ಮಾನ್‌ ಖಾನ್ ಅಭಿನಯದ ಭಾರತ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ದಿಶಾ ಪಟಾನಿ, ಸುನೀಲ್ ಗ್ರೋವರ್ ಹಾಗೂ ಜಾಕಿ ಶ್ರಾಫ್‌ ಸಹ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಅಲಿ ಅಬ್ಬಾಸ್ ಝಪರ್ ಈ ಚಿತ್ರದ ನಿರ್ದೇಶಕರಾಗಿದ್ದು, ಜೂನ್ 5 ರಂದು ಚಿತ್ರ ಬಿಡುಗಡೆಯಾಗಲಿದೆ.
Summary
ಮುಂಬಯಿ : ಸೆಲೆಬ್ರಿಟಿ ವಿವಾಹಗಳ ಬಗ್ಗೆ ನಟಿ ಕತ್ರೀನಾ ಕೈಫ್‌ ಹೇಳಿದ್ದೇನು ಗೊತ್ತಾ?
Article Name
ಮುಂಬಯಿ : ಸೆಲೆಬ್ರಿಟಿ ವಿವಾಹಗಳ ಬಗ್ಗೆ ನಟಿ ಕತ್ರೀನಾ ಕೈಫ್‌ ಹೇಳಿದ್ದೇನು ಗೊತ್ತಾ?
Description
ಈ ಚಿತ್ರದಲ್ಲಿ ದಿಶಾ ಪಟಾನಿ, ಸುನೀಲ್ ಗ್ರೋವರ್ ಹಾಗೂ ಜಾಕಿ ಶ್ರಾಫ್‌ ಸಹ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಅಲಿ ಅಬ್ಬಾಸ್ ಝಪರ್ ಈ ಚಿತ್ರದ ನಿರ್ದೇಶಕರಾಗಿದ್ದು, ಜೂನ್ 5 ರಂದು ಚಿತ್ರ ಬಿಡುಗಡೆಯಾಗಲಿದೆ. 

LEAVE A REPLY

Please enter your comment!
Please enter your name here