ರಾಣೇಬೆನ್ನೂರ: ಭ್ರೂಣದಿಂದಲೇ ಮಹಿಳೆ ಮೇಲೆ ದೌರ್ಜನ್ಯ ಪ್ರಾರಂಭವಾಗುತ್ತಿದ್ದು, ಬೇಟಿ ಬಚಾವೋ ಆಂದೋಲನಕ್ಕೆ ಭ್ರೂಣದಿಂದಲೇ ಚಾಲನೆ ದೊರಕಬೇಕಾಗಿದೆ ಎಂದು ಬೆಂಗಳೂರಿನ ಹೃದಯ ರೋಗ ತಜ್ಞೆ ಡಾ.ವಿಜಯಲಕ್ಷ್ಮಿ ಬಾಳೆಕುಂದ್ರಿ ಹೇಳಿದರು.

ನಗರದ ಬಳ್ಳಾರಿ ಕಲ್ಯಾಣಮಂಟಪದಲ್ಲಿ ಬುಧವಾರ ಸ್ಥಳೀಯ ನಿಶಾರ್ಡ್‌ ಸಂಸ್ಥೆ, ದುರ್ಗಾ ಪಡೆ, ಜಿಲ್ಲಾ ಕುಟುಂಬ ಸಂರಕ್ಷ ಣಾ ಸಮಿತಿ ವತಿಯಿಂದ ಆಯೋಜಿಸಲಾಗಿದ್ದ ಜಿಲ್ಲಾ ಮಟ್ಟದ ಸಮಾವೇಶದಲ್ಲಿ ಪಾಲ್ಗೊಂಡು ಮಾತನಾಡಿದರು. ಸಮಾಜದಲ್ಲಿ ನಡೆಯುತ್ತಿರುವ ಸ್ತ್ರೀ ಶೋಷಣೆಯಲ್ಲಿ ಪುರುಷರ ಜತೆ ಮಹಿಳೆಯರ ಪಾತ್ರವೂ ಇದೆ. ಮಹಿಳೆಯರಲ್ಲಿ ದೈವಿಶಕ್ತಿಯಿದ್ದು, ಅದನ್ನು ಸದ್ಬಳಕೆ ಮಾಡಿಕೊಂಡು ಸಬಲೀಕರಣ ಹೊಂದಬೇಕು. ತಾಯಂದಿರು ಮಕ್ಕಳಲ್ಲಿ ಉತ್ತಮ ಸಂಸ್ಕೃತಿ, ಸಂಸ್ಕಾರ ಬೆಳೆಸಬೇಕು. ಸಮಾಜವನ್ನು ಉತ್ತಮವಾಗಿಸುವ ಶಕ್ತಿ ಮಹಿಳೆಯರಲ್ಲಿದೆ. ಧಾರವಾಹಿಗಳ ವೀಕ್ಷ ಣೆಗೆ ಸಮಯ ವ್ಯರ್ಥ ಮಾಡುವ ಬದಲು ಮಕ್ಕಳ ಶಿಕ್ಷ ಣದ ಬಗ್ಗೆ ಗಮನಹರಿಸಬೇಕು. ಜೀವನದಲ್ಲಿ ಎದುರಾಗುವ ಕಷ್ಟಗಳನ್ನು ನಗು ನಗುತ್ತಾ ಸ್ವೀಕರಿಸಬೇಕು. ಶಿಕ್ಷ ಣ, ಶಿಸ್ತು, ಶಿಷ್ಟಾಚಾರ ಸುಖ ಸಂಸಾರಕ್ಕೆ ಉತ್ತಮ ಸೂತ್ರಗಳಾಗಿವೆ. ಆ ಪ್ರಕಾರ ತಾಯಂದಿರು ಮಕ್ಕಳಿಗೆ ಉತ್ತಮ ಶಿಕ್ಷ ಣ ನೀಡಿ ಜೀವನದಲ್ಲಿ ಶಿಸ್ತಿನಿಂದ ನಡೆದುಕೊಳ್ಳುವುದನ್ನು ಮತ್ತು ಗುರುಹಿರಿಯರಿಗೆ ಗೌರವ ಕೊಡುವ ಶಿಷ್ಟಾಚಾರಗಳನ್ನು ಕಲಿಸಬೇಕು. ದೇವರ ಧ್ಯಾನದಿಂದ ಆತ್ಮಬಲ ವೃದ್ಧಿಯಾಗುತ್ತದೆ. ಮಹಿಳೆ ಬಗ್ಗೆ ಮನು ಹೇಳಿರುವುದನ್ನು ಎಲ್ಲರೂ ತಪ್ಪಾಗಿ ತಿಳಿದುಕೊಂಡಿದ್ದಾರೆ. ವಾಸ್ತವವಾಗಿ ಅವನ ಹೇಳಿಕೆಯಂತೆ ಬಾಲ್ಯದಿಂದ ಮುಪ್ಪಿನವರೆಗೂ ಪುರುಷ ಮಹಿಳೆಯ ಸಂರಕ್ಷ ಣೆಯಲ್ಲಿರುತ್ತಾನೆ ಎಂದರು.

ಸಮಾವೇಶ ಉದ್ಘಾಟಿಸಿದ ಜಿಲ್ಲಾಧಿಕಾರಿ ಡಾ.ಎಂ.ವಿ.ವೆಂಕಟೇಶ ಮಾತನಾಡಿ, ನಮ್ಮಲ್ಲಿನ ಸಾಮಾಜಿಕ ಸ್ಥಿತಿಗತಿ ಕಾರಣದಿಂದಲೇ ಮಹಿಳೆಯರ ಮೇಲಿನ ದೌರ್ಜನ್ಯ ಪ್ರಕರಣಗಳು ಹೆಚ್ಚಾಗುವಂತಾಗಿರುವುದು ವಿಷಾದಕರ ಸಂಗತಿ. ಹಿಂದಿನಿಂದಲೂ ಮಹಿಳೆಯರನ್ನು ನಿರ್ದಿಷ್ಟ ಕೆಲಸಕ್ಕೆ ಮಾತ್ರ ಸೀಮಿತ ಮಾಡಿದ್ದಾರೆ. ಇದನ್ನು ಹೋಗಲಾಡಿಸಬೇಕು. ದೇಶದಲ್ಲಿ ಪ್ರತಿ ಮೂವರು ಮಹಿಳೆಯರಲ್ಲಿ ಒಬ್ಬರು ಶೋಷಣೆಗೆ ಒಳಗಾಗುತ್ತಿದ್ದಾರೆ. ಅವರಲ್ಲಿ ಹೆಚ್ಚಿನ ಪ್ರಕರಣಗಳು ಮದ್ಯಸೇವನೆಯಿಂದ ನಡೆಯುತ್ತಿವೆ. ಮಹಿಳೆಯರ ರP್ಷÜಣೆಗೆ ಸರಕಾರದಿಂದ ಬಹಳಷ್ಟು ಯೋಜನೆ ಜಾರಿಯಲ್ಲಿದ್ದು, ಅವುಗಳ ಸದುಪಯೋಗ ಪಡೆದುಕೊಳ್ಳಬೇಕು. ದುರ್ಗಾ ಪಡೆ ಕೇವಲ ಕಾರ್ಯಕ್ರಮಗಳಿಗೆ ಸೀಮಿತವಾಗದೆ ಮಹಿಳೆಯರ ರಕ್ಷ ಣೆ ವಿಚಾರದಲ್ಲಿ ಜಿಲ್ಲೆಯಲ್ಲಿ ಹೊಸ ಮನ್ವಂತರಕ್ಕೆ ನಾಂದಿ ಹಾಡುವಂತಾಗಲಿ ಎಂದರು. ದುರ್ಗಾ ಪಡೆ ಅಧ್ಯಕ್ಷೆ ರುಕ್ಮಿಣಿ ಸಾವಕಾರ ಅಧ್ಯಕ್ಷ ತೆ ವಹಿಸಿದ್ದರು.

ಹಾವೇರಿ ಹುಕ್ಕೇರಿಮಠದ ಸದಾಶಿವ ಸ್ವಾಮೀಜಿ, ಅಕ್ಕಿಆಲೂರ ವಿರಕ್ತಮಠದ ಶಿವಬಸವ ಸ್ವಾಮೀಜಿ, ರಾಮಕೃಷ್ಣ ಆಶ್ರಮದ ಪ್ರಕಾಶಾನಂದಜಿ ಮಹಾರಾಜ ಸಾನ್ನಿಧ್ಯ ವಹಿಸಿದ್ದರು.

ಸಮಾರಂಭಕ್ಕೂ ಮುನ್ನ ನಗರದ ಕೆಇಬಿ ವಿನಾಯಕ ದೇವಸ್ಥಾನದ ಬಳಿಯಿಂದ ನಗರದ ಪ್ರಮುಖ ಬೀದಿಗಳಲ್ಲಿ ಮಹಿಳೆಯರ ರP್ಷÜಣೆ ಕುರಿತು ಜಾಗೃತಿ ಜಾಥಾ ನಡೆಸಲಾಯಿತು. ಸಾಹಿತಿ ಗಿರಿಜಾದೇವಿ ದುರ್ಗದಮಠ, ಗೀತಾ ಜಂಬಿಗಿ, ವನಿತಾ ಗುತ್ತಲ, ಕಸ್ತೂರೆಮ್ಮ ಪಾಟೀಲ, ರತ್ನಾ ಪುನೀತ್‌, ದ್ರಾಕ್ಷಾಯಣಿ ಗಾಣಿಗೇರ, ಅರುಣಾ ಹಂಪಾಲಿ, ಸುಶೀಲಕ್ಕ ಪಾಟೀಲ, ಮಹೇಶ್ವರಿ ಪ್ರಸಾದಿ, ರಾಜೇಶ್ವರಿ ಬುಶೆಟ್ಟಿ, ಪ್ರಕಾಶ ಗಚ್ಚಿನಮಠ ಹಾಗೂ ಜಿಲ್ಲೆಯ ಎಲ್ಲ ತಾಲೂಕುಗಳ ದುರ್ಗಾ ಪಡೆಯ ಸದಸ್ಯರು, ಮಕ್ಕಳು ಪಾಲ್ಗೊಂಡಿದ್ದರು.
Summary
ರಾಣೇಬೆನ್ನೂರ : ಮಕ್ಕಳಲ್ಲಿ ಉತ್ತಮ ಸಂಸ್ಕೃತಿ, ಸಂಸ್ಕಾರ ಬೆಳೆಸಿ
Article Name
ರಾಣೇಬೆನ್ನೂರ : ಮಕ್ಕಳಲ್ಲಿ ಉತ್ತಮ ಸಂಸ್ಕೃತಿ, ಸಂಸ್ಕಾರ ಬೆಳೆಸಿ
Description
ಹಾವೇರಿ ಹುಕ್ಕೇರಿಮಠದ ಸದಾಶಿವ ಸ್ವಾಮೀಜಿ, ಅಕ್ಕಿಆಲೂರ ವಿರಕ್ತಮಠದ ಶಿವಬಸವ ಸ್ವಾಮೀಜಿ, ರಾಮಕೃಷ್ಣ ಆಶ್ರಮದ ಪ್ರಕಾಶಾನಂದಜಿ ಮಹಾರಾಜ ಸಾನ್ನಿಧ್ಯ ವಹಿಸಿದ್ದರು. 

LEAVE A REPLY

Please enter your comment!
Please enter your name here