ಶಿವಮೊಗ್ಗ : ಎಲ್ಲ ಕ್ಷೇತ್ರದಲ್ಲೂ ಸಾಧನೆ ಮಾಡಿದ ಬ್ರಾಹ್ಮಣರು ಜನ ಸಂಖ್ಯೆಯಲ್ಲಿ ಅಲ್ಪಸಂಖ್ಯಾತರಾದರೂ ಸಾಧನೆಯಲ್ಲಿ ಬಹುಸಂಖ್ಯಾತರು ಎಂದು ಅಖಿಲ ಭಾರತ ಬ್ರಾಹ್ಮಣರ ಒಕ್ಕೂಟದ ಮಾಜಿ ಅಧ್ಯಕ್ಷ ಡಾ.ಕೆ.ಪಿ.ಪುತ್ತೂರಾಯ ಬಣ್ಣಿಸಿದರು.

ಜಿಲ್ಲಾ ಬ್ರಾಹ್ಮಣ ಮಹಾಸಭಾದಿಂದ ವಿದ್ಯಾರ್ಥಿ ನಿಲಯಕ್ಕೆ 100 ವರ್ಷ ಸಂದಿರುವ ಹಿನ್ನೆಲೆಯಲ್ಲಿ ಭಾನುವಾರ ಆಯೋಜಿಸಿದ್ದ ಪುನರ್ಮಿಲನ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು. ಭಾರತರತ್ನ ಪ್ರಶಸ್ತಿ ಪಡೆದವರಲ್ಲಿ, ಜ್ಞಾನಪೀಠ ಪ್ರಶಸ್ತಿ ಪಡೆದವರಲ್ಲಿ ಬ್ರಾಹ್ಮಣರೇ ಹೆಚ್ಚು. ಇದನ್ನು ತಿಳಿದು ಹೆಚ್ಚು ಸಾಧನೆ ಮಾಡುವತ್ತ ಇಂದಿನ ವಿದ್ಯಾರ್ಥಿಗಳು ಮುನ್ನಡೆಯಬೇಕೆಂದರು.

ಯಾವುದೇ ಗಿಡ ನೆಟ್ಟಾಗ ಅದರ ಫಲ ನಾನೇ ತಿನ್ನುತ್ತೇನೆಂದು ಭಾವಿಸಬಾರದು. ಗಿಡ ಬೆಳೆದು ಫಲ ನೀಡುವಾಗ ಅದನ್ನು ತಿನ್ನುವವರು ಮುಂದಿನ ಪೀಳಿಗೆಯವರು. ಅಂತಹ ಯೋಚನೆಯಲ್ಲಿ 100 ವರ್ಷಗಳ ಹಿಂದೆ ಆರಂಭಿಸಿದ ವಿದ್ಯಾರ್ಥಿ ನಿಲಯ ಇಂದು ಸಮಾಜದ ವಿದ್ಯಾರ್ಥಿಗಳಿಗೆ ನೆರವಾಗಿದೆ ಎಂದರು.

ಸಮಾಜದ ಋುಣ ಪ್ರತಿಯೊಬ್ಬರ ಮೇಲಿದೆ. ಆ ಋುಣ ತೀರಿಸಲು ಯತ್ನಿಸಬೇಕು. ಗಳಿಕೆಯ ಒಂದು ಭಾಗವನ್ನು ಸಮಾಜದ ಏಳಿಗೆಗೆ ನೀಡಬೇಕು. ಗಳಿಕೆ, ಉಳಿಕೆ ಹಾಗೂ ಬಳಕೆ ಸರಿಯಾದ ಪ್ರಮಾಣದಲ್ಲಿ ಆದರೆ ಮಾತ್ರ ವ್ಯಕ್ತಿಯ ಉದ್ಧಾರದ ಜತೆಗೆ ಸಮಾಜದ ಏಳಿಗೆಯೂ ಆಗುತ್ತದೆ. ಗಳಿಸಿದ್ದನ್ನು ಉಳಿಸದಿದ್ದರೆ, ಉಳಿಸಿದ್ದನ್ನು ಬಳಸದಿದ್ದರೆ ಯಾವುದೂ ಸಮರ್ಪಕವಾಗುವುದಿಲ್ಲ ಎಂದರು.

ಅನ್ನ, ಅರಿವೆ, ಆಶ್ರಯ, ಆದಾಯ, ಆರೋಗ್ಯ, ಅಕ್ಷರ ಅತಿ ಮುಖ್ಯ. ಭಾರತೀಯ ಸಂಸ್ಕೃತಿಯಲ್ಲಿ ಈ ಆರೂ ಅಂಶಗಳಿಗೆ ಹೆಚ್ಚಿನ ಮಾನ್ಯತೆ ಇದೆ. ಆದರೆ ವಿದೇಶಗಳಲ್ಲಿ ಕೆಲವಕ್ಕೆ ಮಹತ್ವವನ್ನೇ ನೀಡುವುದಿಲ್ಲ. ಅದು ಅವರ ಸಂಸ್ಕೃತಿ. ದುಡಿಮೆಯಲ್ಲಿ ಸತ್ಪಾತ್ರರಿಗೆ ಸಹಾಯ ಮಾಡಬೇಕೇ ಹೊರತು ಅಪಾತ್ರರಿಗೆ ಸಹಾಯ ಮಾಡಬಾರದು ಎಂದರು.

ಜಿಲ್ಲಾ ಬ್ರಾಹ್ಮಣ ಮಹಾ ಸಭಾ ಅಧ್ಯಕ್ಷ ಕೆ.ಸಿ. ನಟರಾಜ್‌ ಭಾಗವತ್‌ ಮಾತನಾಡಿ, ಅನೇಕ ಮಹನೀಯರು ಸಮಾಜ ಕಟ್ಟುವ ಕೆಲಸವನ್ನು ಯಶಸ್ವಿಯಾಗಿ ಮಾಡಿಕೊಂಡು ಬಂದಿದ್ದಾರೆ. ಸಮಾಜದಿಂದ ವೃದ್ಧಾಶ್ರಮ, ಗೋಶಾಲೆ ಹಾಗೂ ಮಹಿಳಾ ಹಾಸ್ಟೆಲ್‌ ನಿರ್ಮಾಣಕ್ಕೆ ಉದ್ದೇಶಿಸಿದ್ದು, ಮುಂದಿನ 5ವರ್ಷಗಳಲ್ಲಿ ಈ ಕೆಲಸ ಮಾಡಬೇಕಿದೆ ಎಂದರು. ಕಾರ್ಯಕ್ರಮದಲ್ಲಿ ಶಿಕ್ಷಣ ತಜ್ಞ ಎಂ. ಬಾಲಸುಬ್ರಹ್ಮಣ್ಯ, ಗಾಯತ್ರಿ ಪ್ರತಿಷ್ಠಾನದ ಅಧ್ಯಕ್ಷ ಡಾ.ಎಚ್‌.ವಿ.ಸುಬ್ರಹ್ಮಣ್ಯಇದ್ದರು. ಬಾಲಸುಬ್ರಹ್ಮಣ್ಯ ಮತ್ತಿತರರು ಇದ್ದರು.

ಸಮಾಜದ ವೃದ್ಧಾಶ್ರಮ ತೆರೆಯುವ ಬಗ್ಗೆ ಆಶಯ ವ್ಯಕ್ತವಾಗಿದ್ದು, ಇದು ಸರಿಯಾದ ಚಿಂತನೆಯಲ್ಲ. ವೃದ್ಧಾಶ್ರಮದ ಬಗ್ಗೆ ಆತ್ಮಾವಲೋಕನ ಆಗಬೇಕಿದೆ. ಬ್ರಾಹ್ಮಣರನ್ನು ಇತರೆ ಸಮುದಾಯಗಳು ಅನುಸರಿಸುತ್ತಿವೆ. ಆದರೆ ಇತ್ತೀಚಿನ ಅಂಕಿಅಂಶ ಪ್ರಕಾರ ಬ್ರಾಹ್ಮಣ ಕುಟುಂಬಗಳಲ್ಲೇ ಹೆಚ್ಚು ವಿಚ್ಛೇದನಗಳು ಆಗುತ್ತಿವೆ. ಇದರ ಬಗ್ಗೆ ಸಾಮಾಜಿಕ ಚಿಂತನೆ ನಡೆಯಬೇಕಿದೆ.
-ಎಸ್‌.ಸೂರ್ಯಪ್ರಕಾಶ್‌ ಪಂಡಿತ್‌, ಪತ್ರಕರ್ತ. 

Summary
ಶಿವಮೊಗ್ಗ : ಬ್ರಾಹ್ಮಣರು ಸಾಧನೆಯಲ್ಲಿ ಬಹುಸಂಖ್ಯಾತರು !
Article Name
ಶಿವಮೊಗ್ಗ : ಬ್ರಾಹ್ಮಣರು ಸಾಧನೆಯಲ್ಲಿ ಬಹುಸಂಖ್ಯಾತರು !
Description
ಕಾರ್ಯಕ್ರಮದಲ್ಲಿ ಶಿಕ್ಷಣ ತಜ್ಞ ಎಂ. ಬಾಲಸುಬ್ರಹ್ಮಣ್ಯ, ಗಾಯತ್ರಿ ಪ್ರತಿಷ್ಠಾನದ ಅಧ್ಯಕ್ಷ ಡಾ.ಎಚ್‌.ವಿ.ಸುಬ್ರಹ್ಮಣ್ಯಇದ್ದರು. ಬಾಲಸುಬ್ರಹ್ಮಣ್ಯ ಮತ್ತಿತರರು ಇದ್ದರು. 

LEAVE A REPLY

Please enter your comment!
Please enter your name here