ನಟಿ ಪೂಜಾ ಗಾಂಧಿ ಸ್ಯಾಂಡಲ್‍ವುಡ್‍ನಲ್ಲಿ ಹೊಸ ಇನ್ನಿಂಗ್ಸ್ ಆರಂಭಿಸಿದ್ದಾರೆ. ಅವರ ಹೊಸ ಚಿತ್ರಕ್ಕೆ ‘ಪ್ರತಿ ಹಿಂಸ’ ಎಂದು ಹೆಸರಿಡಲಾಗಿದೆ. ಈ ಸಿನಿಮಾ ಸದ್ದಿಲ್ಲದಂತೆ 10 ದಿನಗಳ ಚಿತ್ರೀಕರಣವನ್ನೂ ಮುಗಿಸಿದೆ. ಈ ಚಿತ್ರಕ್ಕೆ ಕೆ ಜನಾರ್ಧನ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ.

ಈ ಚಿತ್ರದೊಂದಿಗೆ ಮಳೆ ಹುಡುಗಿ ಪೂಜಾ ಗಾಂಧಿ ಒಂದು ವಿಭಿನ್ನ ಪಾತ್ರದೊಂದಿಗೆ ವಾಪಸ್ಸಾಗುತ್ತಿದ್ದಾರೆ. ಇದೊಂದು ಬಹು ದೊಡ್ಡ ಬಜೆಟಿನ ಸಾಹಸಮಯ ಚಿತ್ರ.
ಬೆಂಗಳೂರು, ಚಿಕ್ಕಮಗಳೂರು ಸುತ್ತಲೂ ಚಿತ್ರೀಕರಣ ನಡೆಸಲಾಗುತ್ತಿದೆ ಎಂದು ನಿರ್ಮಾಪಕ ಕೆ ವಿ ಶಬರಿಶ್ ಹೇಳುತ್ತಾರೆ.

ಹ ಸು ರಾಜಶೇಖರ್ ಸಂಭಾಷಣೆ, ಗಂಗು ನಿರ್ಮಾಣ ಸಾರಥ್ಯದಲ್ಲಿ ಚಿತ್ರೀಕರಣ ಮಾಡುತ್ತಿರುವ ‘ಪ್ರತಿ ಹಿಂಸ’ ಚಿತ್ರದಲ್ಲಿ ಪೂಜಾ ಗಾಂಧಿ ಜೊತೆಗೆ ಸಚಿನ್, ರಾಹುಲ್ ದೇವ್, ರವಿ ಕಾಳೆ ಹಾಗೂ ಇತರರು ತಾರಾಗಣದಲ್ಲಿ ಇದ್ದಾರೆ.

ಮಾಸ್ ಮಾಧ ಸಾಹಸ ನಿರ್ದೇಶನದಲ್ಲಿ ಭರ್ಜರಿ ಸಾಹಸ ಸನ್ನಿವೇಶಗಳಲ್ಲಿ ಪೂಜಾ ಗಾಂಧಿ ಪಾಲ್ಗೊಳ್ಳಲಿದ್ದಾರೆ. ರಾಜೇಶ್ ಕುಮಾರ್ ಛಾಯಾಗ್ರಹಣ ಮಾಡಲಿದ್ದಾರೆ. ವಿ 2 ಚಿತ್ರಕ್ಕೆ ಸಂಗೀತ ನೀಡುತ್ತಿದ್ದಾರೆ. 2 ಎಂ ಸಿನಿಮಾಸ್ ಅಡಿಯಲ್ಲಿ ಪ್ರತಿ ಹಿಂಸ ಚಿತ್ರವನ್ನು ನಿರ್ಮಿಸಲಾಗಿದೆ.
Summary
ಸಾಹಸ ಪ್ರಧಾನ ಚಿತ್ರದ ಮೂಲಕ ಪೂಜಾ ಗಾಂಧಿ ಹೊಸ ಇನ್ನಿಂಗ್ಸ್ !
Article Name
ಸಾಹಸ ಪ್ರಧಾನ ಚಿತ್ರದ ಮೂಲಕ ಪೂಜಾ ಗಾಂಧಿ ಹೊಸ ಇನ್ನಿಂಗ್ಸ್ !
Description
ಮಾಸ್ ಮಾಧ ಸಾಹಸ ನಿರ್ದೇಶನದಲ್ಲಿ ಭರ್ಜರಿ ಸಾಹಸ ಸನ್ನಿವೇಶಗಳಲ್ಲಿ ಪೂಜಾ ಗಾಂಧಿ ಪಾಲ್ಗೊಳ್ಳಲಿದ್ದಾರೆ. ರಾಜೇಶ್ ಕುಮಾರ್ ಛಾಯಾಗ್ರಹಣ ಮಾಡಲಿದ್ದಾರೆ. ವಿ 2 ಚಿತ್ರಕ್ಕೆ ಸಂಗೀತ ನೀಡುತ್ತಿದ್ದಾರೆ. 2 ಎಂ ಸಿನಿಮಾಸ್ ಅಡಿಯಲ್ಲಿ ಪ್ರತಿ ಹಿಂಸ ಚಿತ್ರವನ್ನು ನಿರ್ಮಿಸಲಾಗಿದೆ. 

LEAVE A REPLY

Please enter your comment!
Please enter your name here