ಮುಂಬಯಿ: ಪರದೆ ಮೇಲೆ ಮಿಲನದ ದೃಶ್ಯ ತೋರಿಸಲು ಭಾರಿ ಖುಷಿಯಾಗುತ್ತದೆ ಎಂದು ಖ್ಯಾತ ಧಾರವಾಹಿ ನಿರ್ಮಾಪಕಿ ಏಕ್ತಾ ಕಪೂರ್ ಹೇಳಿಕೊಂಡಿದ್ದಾರೆ.

ನಗರದಲ್ಲಿ ನಡೆದ ಮಾಧ್ಯಮ ಸಂವಾದದಲ್ಲಿ ಮಾತನಾಡಿದ ಅವರು, ಆನ್ ಸ್ಕ್ರೀನ್‌ನಲ್ಲಿ ಸೆಕ್ಸ್ ದೃಶ್ಯಗಳನ್ನು ತೋರಿಸುವುದರಲ್ಲಿ ಯಾವುದೇ ಸಮಸ್ಯೆ ಇಲ್ಲ. ಆದರೆ, ಸಮಸ್ಯೆ ಇರುವುದು ಜನರ ಮನಸ್ಥಿತಿಯಲ್ಲಿ. ಸೆಕ್ಸ್ ವಿಚಾರಗಳು ಮುಕ್ತವಾಗಿ ಚರ್ಚೆಯಾಗಬೇಕು ಎನ್ನುವುದು ನನ್ನ ಅಭಿಪ್ರಾಯ ಎಂದು ಹೇಳಿಕೊಂಡಿದ್ದಾರೆ.

ಸಹಮತ ಇಲ್ಲದ ಲೈಂಗಿಕತೆಯನ್ನು ಅಪರಾಧ ಎಂದು ಪರಿಗಣಿಸುತ್ತೇವೆ. ಆದರೆ, ಪರದೆ ಮೇಲೆ ಲೈಂಗಿಕ ದೃಶ್ಯಗಳನ್ನು ತೋರಿಸುವುದು ಯಾವುದೇ ರೀತಿಯ ಅಪರಾಧವಾಗಲ್ಲ ಎಂದು ಏಕ್ತಾ ಹೇಳಿಕೊಂಡಿದ್ದಾರೆ.

ಮೂಢನಂಬಿಕೆಗೆ ಸಂಬಂಧಿಸಿದಂತೆ ನಾಗಿನ್ ಧಾರವಾಹಿ ಫ್ಯಾಂಟಸಿ ಪ್ರದರ್ಶನವಾಗಿದೆ. ಹ್ಯಾರಿ ಪಾಟರ್ ಮತ್ತು ದಿ ಗೇಮ್ ಆಫ್ ಥ್ರೋನ್ಸ್‌ನಂತಹ ಸರಣಿಗಳನ್ನು ಇಷ್ಟಪಟ್ಟಿದ್ದೇನೆ. ಅಂತಹ ಪ್ರಯತ್ನ ನಮ್ಮಲ್ಲೂ ಆಗಬೇಕು ಎನ್ನುವುದು ನನ್ನ ಬಯಕೆಯಾಗಿತ್ತು. ಇದು ನಾಗಿನ್ ಮೂಲಕ ಈಡೇರಿದೆ ಎಂದು ಏಕ್ತಾ ಕಪೂರ್ ಹೇಳಿದ್ದಾರೆ.

LEAVE A REPLY

Please enter your comment!
Please enter your name here