ಹಾಸನ: ಜೆಡಿಎಸ್‌ ವರಿಷ್ಠ, ಮಾಜಿ ಪ್ರಧಾನಿ ಎಚ್‌.ಡಿ.ದೇವೇಗೌಡ, ಸಿಎಂ ಎಚ್‌.ಡಿ.ಕುಮಾರಸ್ವಾಮಿ ಅವರ ಬಗ್ಗೆ ಬಿಜೆಪಿ ಶಾಸಕ ಪ್ರೀತಂ ಜೆ.ಗೌಡ ಆಡಿಯೋದಲ್ಲಿ ಅವಹೇಳನಕಾರಿಯಾಗಿ ಮಾತನಾಡಿದ್ದಾರೆ ಎಂದು ಜೆಡಿಎಸ್‌ ಆಕ್ರೋಶಗೊಂಡಿದ್ದು, ಮುನ್ನೆಚ್ಚರಿಕೆ ಕ್ರಮವಾಗಿ ವಿದ್ಯಾನಗರದಲ್ಲಿರುವ ಶಾಸಕರ ನಿವಾಸಕ್ಕೆ ಹೆಚ್ಚಿನ ಪೊಲೀಸ್‌ ಭದ್ರತೆ ಒದಗಿಸಲಾಗಿದೆ.

ಶಾಸಕ ಪ್ರೀತಂ ಜೆ.ಗೌಡರ ಹೇಳಿಕೆ ಖಂಡಿಸಿ ಬುಧವಾರ ಅವರ ನಿವಾಸದ ಎದುರು ಧರಣಿ ನಡೆಸಿದ ಜೆಡಿಎಸ್‌ ಮುಖಂಡರು, ಕಾರ‍್ಯಕರ್ತರು ಶಾಸಕರ ವಿರುದ್ಧ ಘೋಷಣೆ ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು. ಈ ವೇಳೆ ಗುಂಪಿನಲ್ಲಿದ್ದ ಕೆಲವರು ಕಲ್ಲುತೂರಾಟ ನಡೆಸಿದ್ದು, ಕಲ್ಲೊಂದು ಬಿಜೆಪಿ ಯುವಮೋರ್ಚಾ ರಾಜ್ಯ ಕಾರ್ಯಕಾರಿಣಿ ಸದಸ್ಯ ರಾಹುಲ್‌ ಕಿಣಿ ಕಣ್ಣಿನ ಭಾಗಕ್ಕೆ ಬಿದ್ದು ಗಾಯವಾಗಿದೆ. ಕೂಡಲೇ ಅವರನ್ನು ಜಿಲ್ಲಾಸ್ಪತ್ರೆಗೆ ಕರೆದೊಯ್ದು ದಾಖಲಿಸಿದ್ದು, ಪೊಲೀಸರು ಹೆಚ್ಚಿನ ಸಂಖ್ಯೆಯಲ್ಲಿ ಧರಣಿ ನಿರತರ ಗುಂಪನ್ನು ಚದುರಿಸಿದರು.

ಎಸ್‌ಪಿ ಪ್ರಕಾಶ್‌ಗೌಡ ಅವರು ಶಾಸಕರ ನಿವಾಸಕ್ಕೆ ಆಗಮಿಸಿ ಶಾಸಕರ ಕುಟುಂಬ ವರ್ಗ, ಬಿಜೆಪಿ ಮುಖಂಡರ ಜತೆ ಮಾತನಾಡಿ ಹೆಚ್ಚಿನ ಭದ್ರತೆ ಒದಗಿಸಿದರು.

ಜೆಡಿಎಸ್‌ನ ಗುಂಪು ದುರುದ್ದೇಶದಿಂದ ದಬ್ಬಾಳಿಕೆ, ದೌರ್ಜನ್ಯ, ಕಲ್ಲುತೂರಾಟ ಮಾಡಿದ್ದು ಸೂಕ್ಷ್ಮತೆ ಗಮನಿಸಿ, ರಕ್ಷಣೆ ನೀಡುವಂತೆ ನಿಮಗೆ ಮೊಬೈಲ್‌ ಕರೆ ಮಾಡಿದರೂ ಸ್ವೀಕರಿಸಲಿಲ್ಲ ಎಂದು ಎಸ್‌ಪಿ ಡಾ.ಪ್ರಕಾಶ್‌ಗೌಡ ಅವರ ವಿರುದ್ಧ ಬಿಜೆಪಿ ಮಾಧ್ಯಮ ವಕ್ತಾರ ವೇಣುಗೋಪಾಲ್‌ ಮತ್ತಿತರರು ಅಸಮಾಧಾನ ವ್ಯಕ್ತಪಡಿಸಿದರು.

ಶಾಸಕರ ರಾಜೀನಾಮೆಗೆ ಆಗ್ರಹ: ಜೆಡಿಎಸ್‌ ವರಿಷ್ಠ ಎಚ್‌.ಡಿ.ದೇವೇಗೌಡರು ಮತ್ತು ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ವಿರುದ್ಧ ಅವಹೇಳನಕಾರಿ ಮಾತುಗಳನ್ನಾಡಿರುವ ಶಾಸಕ ಪ್ರೀತಂಗೌಡ ತಮ್ಮ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು ಎಂದು ಜೆಡಿಎಸ್‌ ಮುಖಂಡರು ಆಗ್ರಹಿಸಿದರು. ಮುಖಂಡರಾದ ದ್ಯಾವೇಗೌಡ, ನಗರಸಭೆ ಮಾಜಿ ಅಧ್ಯಕ್ಷ ಅನಿಲ್‌ಕುಮಾರ್‌, ಜಿಪಂ ಸದಸ್ಯ ಸ್ವರೂಪ್‌, ಹೊಂಗೆರೆ ರಘು, ನಗರಸಭೆ ಮಾಜಿ ಸದಸ್ಯ ರವಿಶಂಕರ್‌, ಪ್ರಸನ್ನಕುಮಾರ್‌, ಸಯ್ಯದ್‌ ಅಕ್ಬರ್‌ ಮತ್ತಿತರರು ಹಾಜರಿದ್ದರು.

ಈ ಎಲ್ಲ ಬೆಳವಣಿಗೆ ನಡುವೆ ಬಿಜೆಪಿ ಕೂಡ ಎಂಜಿ ರಸ್ತೆಯಲ್ಲಿ ಟೈರ್‌ಗೆ ಬೆಂಕಿಹಚ್ಚಿ ಜೆಡಿಎಸ್‌ ವಿರುದ್ಧ ಪ್ರತಿಭಟನೆ ನಡೆಸಿ ಆಕ್ರೋಶ ವ್ಯಕ್ತಪಡಿಸಿದೆ.

ಶಾಸಕ ಪ್ರೀತಂ ಜೆ.ಗೌಡ ಮತ್ತು ಕಾರ್ಯಕರ್ತರನ್ನು ಸರ್ವನಾಶ ಮಾಡಲು ಜೆಡಿಎಸ್‌ನವರು ದಬ್ಬಾಳಿಕೆ ಮಾಡÜುತ್ತಿದ್ದಾರೆ. ಪೊಲೀಸ್‌ ಸಮ್ಮುಖದಲ್ಲೇ ಕಲ್ಲುತೂರಾಟ ನಡೆದಿದೆ. ಇಷ್ಟೆಲ್ಲ ದಬ್ಬಾಳಿಕೆ ನಡೆದರೂ ಸೂಕ್ತ ರಕ್ಷಣೆ ಒದಗಿಸಲಿಲ್ಲ. ಎಸ್‌ಪಿ ಅವರು ಮೊಬೈಲ್‌ ಕರೆ ಸ್ವೀಕರಿಸಲಿಲ್ಲ. ಈ ಬಗ್ಗೆ ತನಿಖೆಯಾಗಬೇಕು. ಈ ದೌರ್ಜನ್ಯ ಖಂಡಿಸಿ ಪ್ರತಿಭಟನೆ ಅಥವಾ ಬಂದ್‌ ನಡೆಸುವ ಕುರಿತು ಚರ್ಚಿಸಿ ನಿರ್ಧಾರ ಕೈಗೊಳ್ಳುತ್ತೇವೆ.
-ವೇಣುಗೋಪಾಲ್‌, ಬಿಜೆಪಿ ಮಾಧ್ಯಮ ವಕ್ತಾರ ಹಾಸನ

Summary
ಹಾಸನ : ಶಾಸಕ ಪ್ರೀತಂ ಮನೆಗೆ ಪೊಲೀಸ್‌ ಭದ್ರತೆ
Article Name
ಹಾಸನ : ಶಾಸಕ ಪ್ರೀತಂ ಮನೆಗೆ ಪೊಲೀಸ್‌ ಭದ್ರತೆ
Description
ಈ ಎಲ್ಲ ಬೆಳವಣಿಗೆ ನಡುವೆ ಬಿಜೆಪಿ ಕೂಡ ಎಂಜಿ ರಸ್ತೆಯಲ್ಲಿ ಟೈರ್‌ಗೆ ಬೆಂಕಿಹಚ್ಚಿ ಜೆಡಿಎಸ್‌ ವಿರುದ್ಧ ಪ್ರತಿಭಟನೆ ನಡೆಸಿ ಆಕ್ರೋಶ ವ್ಯಕ್ತಪಡಿಸಿದೆ. 

LEAVE A REPLY

Please enter your comment!
Please enter your name here