Bicycle ವಿತರಣೆಗೆ ವಿಳಂಬವೇಕೆ ?

0
5

ಚಿಕ್ಕಮಗಳೂರು: ಹಾಸನ ಜಿಲ್ಲೆಯಲ್ಲಿ ಆಗಲೇ 8ನೇ ತರಗತಿ ವಿದ್ಯಾರ್ಥಿಗಳಿಗೆ ಬೈಸಿಕಲ್‌ ವಿತರಿಸುತ್ತಿದ್ದಾರೆ, ಇಲ್ಲಿ ಏಕೆ ವಿಳಂಬವಾಗುತ್ತಿದೆ ಎಂದು ತಾಲೂಕು ಪಂಚಾಯಿತಿ ಅಧ್ಯಕ್ಷ ಜಯಣ್ಣ ಅಧಿಕಾರಿಗಳನ್ನು ಪ್ರಶ್ನಿಸಿದರು.

ತಾಲೂಕು ಪಂಚಾಯಿತಿ ಸಭಾಂಗಣದಲ್ಲಿ ಶುಕ್ರವಾರ ನಡೆದ ಸರ್ವಸದಸ್ಯರ ಸಾಮಾನ್ಯ ಸಭೆ ಅಧ್ಯಕ್ಷ ತೆ ವಹಿಸಿ ಅವರು ಮಾತನಾಡಿ, ಈ ಬಾರಿ ಎಸ್‌ಎಸ್‌ಎಲ್‌ಸಿ ಫಲಿತಾಂಶದಲ್ಲಿ ಜಿಲ್ಲೆ ರಾಜ್ಯದಲ್ಲಿಯೆ ಮೊದಲ ಸ್ಥಾನಕ್ಕೆ ಬರುವ ರೀತಿ ಶಿಕ್ಷ ಣ ಇಲಾಖೆ ಹೆಚ್ಚಿನ ಶ್ರಮ ಹಾಕಬೇಕು. ವಿದ್ಯಾರ್ಥಿಗಳಿಗೆ ವಿಶೇಷ ತರಬೇತಿ ನೀಡಬೇಕು ಎಂದು ಸೂಚಿಸಿದರು.

ತಾಲೂಕಿನಲ್ಲಿ 28 ಜನರಲ್ಲಿ ಎಚ್‌1ಎನ್‌1 ಪತ್ತೆಯಾಗಿದೆ. ಕೆಂಪನಹಳ್ಳಿ, ಶಂಕರಪುರ, ಉಪ್ಪಳ್ಳಿ, ಅರವಿಂದ ನಗರದ 4 ಮಂದಿ ಮೃತಪಟ್ಟಿದ್ದಾರೆ. ಆರೋಗ್ಯ ಇಲಾಖೆ ಎಚ್‌1ಎನ್‌1, ಏಡ್ಸ್‌, ಡೆಂಗೆ, ಚಿಕೂನ್‌ ಗುನ್ಯಾ ಮತ್ತಿತರೆ ಮಾರಣಾಂತಿಕ ಕಾಯಿಲೆ ಬಗ್ಗೆ ಜನರಲ್ಲಿ ಹೆಚ್ಚಿನ ಜಾಗೃತಿ ಮೂಡಿಸುವ ಜತೆಗೆ ಮುಂಜಾಗೃತ ಕ್ರಮ ತೆಗೆದುಕೊಳ್ಳಬೇಕು ಎಂದರು.

ಗ್ರಾಮೀಣ ಭಾಗದಲ್ಲಿ ಯಶಸ್ವಿನಿ ಕಾರ್ಡ್‌ ರದ್ದುಗೊಳಿಸಿ ಆರೋಗ್ಯ ಕಾರ್ಡ್‌ ವಿತರಿಸಲು ಸರಕಾರ ಆದೇಶ ಮಾಡಿದ್ದರೂ, ಈ ಬಗ್ಗೆ ಗ್ರಾಮೀಣ ಪ್ರದೇಶದ ಜನರಿಗೆ ಮಾಹಿತಿ ಇಲ್ಲದೆ ಗೊಂದಲದಲ್ಲಿದ್ದಾರೆ. ತಕ್ಷ ಣ ಎಲ್ಲರಿಗೂ ಆರೋಗ್ಯ ಕಾರ್ಡ್‌ ವಿತರಿಸಬೇಕು. ಅರ್ಹ ಫಲಾನುಭವಿಗಳಿಗೆ ಸರಕಾರದ ವಿವಿಧ ಯೋಜನೆಗಳ ಬಗ್ಗೆ ಸರಿಯಾದ ಮಾಹಿತಿ ನೀಡಬೇಕು. ಸೌಲಭ್ಯ ಅರ್ಹರಿಗೆ ತಲುಪಬೇಕು ಎಂದು ಸೂಚಿಸಿದರು.

ಸಿದ್ದಾಪುರ ಶಾಲೆಯಲ್ಲಿ 32 ಜನ ವಿದ್ಯಾರ್ಥಿಗಳಿಗೆ ಒಬ್ಬರೆ ಶಿಕ್ಷ ಕರಿದ್ದು ಮತ್ತೊಬ್ಬರನ್ನು ನೇಮಿಸಬೇಕು. ಕಂಚೇನಹಳ್ಳಿ ಶಾಲೆ ಶಿಕ್ಷ ಕ ರವಿ ಮದ್ಯಪಾನ ಮಾಡಿ ಶಾಲೆಗೆ ಬರುತ್ತಾರೆ. ಪ್ರತಿಭಾ ಕಾರಂಜಿ ಕಾರ್ಯಕ್ರಮದಲ್ಲಿ ಯಾವುದೆ ಸಹಕಾರ ನೀಡದೆ ನಿರ್ಲಕ್ಷ್ಯ ತೋರಿದ್ದಾರೆ. ಈ ಶಿಕ್ಷ ಕನನ್ನು ತಕ್ಷ ಣವೇ ಅಮಾನತು ಮಾಡಬೇಕೆಂದು ಸದಸ್ಯ ಮಹೇಶ್‌ ಆಗ್ರಹಿಸಿದರು.

ಆಲ್ದೂರು ಸರಕಾರಿ ಶಾಲೆ ತಕ್ಷ ಣ ದುರಸ್ತಿಪಡಿಸಬೇಕು. ಸರಕಾರಿ ಶಾಲೆ ಬಳಿಯೇ ಖಾಸಗಿ ಶಾಲೆಗೆ ಅನುಮತಿ ನೀಡಿರುವುದು ಏಕೆ ಎಂದು ಸದಸ್ಯೆ ಭವ್ಯನಟೇಶ್‌ ಪ್ರಶ್ನಿಸಿದರು.

ಜಿಲ್ಲಾ ಆಸ್ಪತ್ರೆಯಲ್ಲಿ ಸ್ಕ್ಯಾ‌ನಿಂಗ್‌ ಯಂತ್ರ ಇದ್ದು ವೈದ್ಯರಿಲ್ಲದೆ ಬಡವರಿಗೆ ಬಹಳ ತೊಂದರೆಯಾಗಿದೆ. ತಕ್ಷ ಣ ವೈದ್ಯರನ್ನು ನೇಮಿಸಬೇಕು. ವಸ್ತಾರೆ ಸುತ್ತ ಮುತ್ತ ವಿದ್ಯುತ್‌ ಸಮಸ್ಯೆ ಹೆಚ್ಚಾಗಿದೆ, ತಕ್ಷ ಣವೇ ಸರಿಪಡಿಸುವಂತೆ ಡಿ.ಜೆ.ಸುರೇಶ್‌ ಒತ್ತಾಯಿಸಿದರು. ತಾ.ಪಂ .ಉಪಾಧ್ಯಕ್ಷ ರಮೇಶ್‌, ಕಾರ್ಯ ನಿರ್ವಹಣಾಧಿಕಾರಿ ಎಚ್‌.ಡಿ.ರೇವಣ್ಣ, ತಾಲೂಕು ಮಟ್ಟದ ಅಧಿಕಾರಿಗಳು ಹಾಜರಿದ್ದರು.

LEAVE A REPLY

Please enter your comment!
Please enter your name here