ದಾವಣಗೆರೆ: ಸಾಮಾಜಿಕ ಜಾಲತಾಣ ಫೇಸ್‌ಬುಕ್‌ನಲ್ಲಿ ಪರಿಚಯವಾದ ವಿದೇಶಿ ವ್ಯಕ್ತಿ ನಗರದ ಮಹಿಳೆಯೊಬ್ಬರಿಗೆ ವಿದೇಶಿ ಕರೆನ್ಸಿ ಮತ್ತು ದುಬಾರಿ ಉಡುಗೊರೆ ಆಸೆ ತೋರಿಸಿ 20 ಲಕ್ಷ 65 ಸಾವಿರ ರೂ. ವಂಚಿಸಲಾಗಿದ್ದು, ಗುರುವಾರ ದೂರು ದಾಖಲಾಗಿದೆ. 

ನಗರದಲ್ಲಿ ಬ್ಯೂಟಿಪಾರ್ಲರ್‌ ನಡೆಸುತ್ತಿರುವ ಮಹಿಳೆಯೊಬ್ಬರು ಮೋಸ ಹೋಗಿದ್ದಾರೆ, ವಿದೇಶಿಗ ಸ್ಟೀವನ್‌ ಕ್ಲೈಮೆಂಟ್‌ ಎಂಬವನು ಫೇಸ್‌ಬುಕ್‌ನ ಮೆಸೆಂಜರ್‌ನಲ್ಲಿ ಹಾಯ್‌ ಎಂದು ಮೆಸೆಜ್‌ ಮಾಡಿದ್ದಾನೆ. ಇದಕ್ಕೆ ಮಹಿಳೆ ಪ್ರತಿಕ್ರಿಯಿಸಿದ್ದಾರೆ. ಇದಾದ ನಂತರ ಪರಿಚಯ ಸ್ನೇಹಕ್ಕೆ ತಿರುಗಿದ್ದು, ಮಹಿಳೆ ಪೋನ್‌ ನಂಬರ್‌ ಪಡೆದಿದ್ದಾನೆ. ಈ ವೇಳೆ ಸ್ಟೀವನ್‌ ಕ್ಲೈಮೆಂಟ್‌ ತಾನು ಲಂಡನ್‌ನ ಬರ್ಮಿಂಗ್‌ ಹ್ಯಾಮ್‌ನಲ್ಲಿದ್ದು, ಬೆಲೆಬಾಳುವ ಗಿಫ್ಟ್‌ ಐಟಂ ಪಾರ್ಸಲ್‌ ಕಳುಹಿಸುವೆ. ಅದರಲ್ಲಿ ಹಣಸಹಿತ ಗಿಫ್ಟ್‌ ಇರುತ್ತದೆ ಎಂದು ನಂಬಿಸಿದ್ದಾನೆ. 

ರಿಟಾ ಎಂಟ್ರಿ 

ಏತನ್ಮಧ್ಯೆ, ರಿಟಾ ಎಂಬ ವಿದೇಶಿ ಮಹಿಳೆ ಎಂಟ್ರಿಯಾಗಿ ನಗರದ ಮಹಿಳೆಗೆ ಪೋನ್‌ ಮಾಡಿದ್ದಾರೆ. ತಾನು ಡೆಲ್ಲಿ ಏರ್ಪೋಟ್‌ನಿಂದ ಕಾಲ್‌ ಮಾಡುತ್ತಿದ್ದು, ಸ್ಟೀವನ್‌ ಕ್ಲೈಮೆಂಟ್‌ ಒಂದು ಗಿಫ್ಟ್‌ ಕಳುಹಿಸಿದ್ದಾರೆ. ಈ ಗಿಫ್ಟ್‌ ಹೊರದೇಶದಿಂದ ಬಂದಿದ್ದು, ಈ ಗಿಫ್ಟ್‌ಅನ್ನು ಬಿಡಿಸಲು 28,700 ರೂ. ಚಾರ್ಜ್‌ ಪಾವತಿಸಲು ದೂರವಾಣಿ ಮುಖೇನ ತಿಳಿಸಿದ್ದಾಳೆ. 

ಆರಂಭದಲ್ಲಿ ಮಹಿಳೆ ನಂಬಿಲ್ಲ. ಆದರೆ, ರಿಟಾ ಪದೆ ಪದೇ ಪೋನ್‌ ಮಾಡಿ ನಂಬಿಸಿದ್ದಾಳೆ. ಹೀಗಾಗಿ 10ಕ್ಕೂ ಹೆಚ್ಚು ಬಾರಿ ಸುಮಾರು 20.65 ಲಕ್ಷ ರೂ.ಗಳನ್ನು ಚೆಕ್‌ ಮುಖಾಂತರ ಬೇರೆ ಬೇರೆ ಅಕೌಂಟ್‌ಗಳಿಗೆ ಎಸ್‌ಬಿಐನಿಂದ ಹಣ ಹಾಕಿದ್ದಾರೆ. ನಂತರ ಸ್ಟೀವನ್‌ ಕ್ಲೈಮೆಂಟ್‌ಗೆ ಪೋನ್‌ ಮಾಡಿದಾಗ ನಾನೇ ಪರ್ಸನಲ್ಲಾಗಿ ಬಂದು ದುಬಾರಿ ಗೀಫ್ಟ್‌ನ್ನು ಬಿಡಿಸಿಕೊಡುತ್ತೆನೆಂದು ಹೇಳಿದ್ದಾನೆ. ಸುನೀತಾ ಚೌಧರಿ ಎಂಬವರು ಮಹಿಳೆಗೆ ಪೋನ್‌ ಮಾಡಿ ಸ್ಟೀವನ್‌ ಎಂಬುವವರು ಇಂಗ್ಲೆಂಡ್‌ನಿಂದದ 100 ಸಾವಿರ ಪೌಂಡ್‌ ಹಣ ತಂದಿದ್ದಾರೆ. ಈ ಹಣ ವಿದೇಶಿ ಕರೆನ್ಸಿಯಲ್ಲಿರುವುದರಿಂದ ಇಂಡಿಯನ್‌ ಕರೆನ್ಸಿಗೆ ಪರಿವರ್ತಿಸಲು ಹಾಗೂ ಅದಕ್ಕೆ ಸಂಬಂಧಿಸಿದ ಟ್ಯಾಕ್ಸ್‌, ಜಿಎಸ್‌ಟಿ ಇತ್ಯಾದಿ ಖರ್ಚುಗಳನ್ನು ಭರಿಸಲು ಇನ್ನೂ 6 ಲಕ್ಷ ರೂ. ಪಾವತಿಸಬೇಕು ಎಂದಿದ್ದಾರೆ. ಇದರಿಂದ ತಾನು ಮೋಸಹೋಗಿರುವುದು ಮಹಿಳೆಗೆ ಖಾತ್ರಿಯಾಗಿದೆ. ದಾವಣಗೆರೆ ಅಪರಾಧ ವಿಭಾಗದ ಪೊಲೀಸ್‌ ಠಾಣೆಗೆ ವಂಚನೆಗೊಳಗಾದ ಮಹಿಳೆ ದೂರಿದ್ದಾರೆ. 

LEAVE A REPLY

Please enter your comment!
Please enter your name here